Mavzu: jinoyat ishini yuritishda ishtiro etuvchi jamoat birlashmalari, jamoalar va ularning vakillari

Jamoat ayblovchisi va himoyachisining majburiyatlari ham belgilab qoʻyilgan jumladan ular quyidagilar:

Jamoat ayblovchisi: sud muhokamasida ishtitok etishga, jamoat birlashmasi yoki jamoaning fikrni sudda bayon qilishi va ish holatlarini aniqlashga koʻmaklashishi shart.

Jamoat himoyachisi: sud muhokamasida ishtirok etishi, jamoat birlashmasi yoki jamoaning fikrini sudda bayon qilishi va ishning sudlanuvchining ahvolini yengillashtiruvchi holatlarni aniqlashga koʻmaklashishi shart.

Jamoat himoyachisining sud muhokamasida tutgan pozitsiyasi
sudlanuvchining va uning himoyachisining pozitsiyasiga bogʻliq emas. U jamoa yoki jamoat tashkilotining fikrini bayon etadi. Jamoat ayblovchisi va jamoat himoyachisi sud muhokamasida mustaqil boʻlib, boshqa ishtirokchilar kabi ish yuzasidan dalillarni tekshirish, dalillar keltirish, iltimoslar qilishda teng huquqlardan foydalanadilar.
Bitta sudlanuvchiga nisbatan bir jamoat tashkiloti yoki mehnat jamoasidan ham jamoat ayblovchisi, ham jamoat himoyachisi qatnashishi mumkin emas. Chunki bunda tashkilot yoki mehnat jamoasining fikri ifoda etilmay qoladi. Turli jamoat tashkiloti yoki mehnat jamoalaridan bitta sudlanuvchiga nisbatan ham jamoat ayblovchisi, ham jamoat himoyachisi sud muhokamasida qatnashishi mumkin. Oʻzbekiston Respublikasi Jinoyatprotsessual kodeksi 412-moddasining talabiga koʻra, jamoat ayblovchisi yoki jamoat himoyachisi sudga kelmay qolsa, ishning holatlariga qarab, sud ishni ular ishtirokisiz koʻrish mumkinligi yoki muhokamani keying qoldirish masalasini hal etadi.