Mavzu: Ishning bajarilish tartibi

Tadqiqot materiallarini yig’ish va to’plash

• Tadqiqot materiallarini yig’ish va to’plash
• Material yig’ish va to’plash har qanday yangi, o’ziga xos ilmiy tadqiqotning markaziy qismini tashkil etadi va, odatda, unga sarflanadigan vaqtning ko’prog’ini mazkur faoliyat band qiladi. Ilmiy-tadqiqot ishidagi bu bosqichning mohiyati tadqiqotchiga o’z oldiga qo’ygan vazifalarni hal etish va oldinga surilgan farazlarni isbotlash uchun zarur bo’lgan ma’lumotlarni yig’ish hamda tizimlashtirish imkonini beradi.
• Ilmiy ma’lumotlarni yig’ish ishlarining xususiyati va mazmuni tadqiqotning maqsadi hamda usullariga bog’liq. Izlanuvchi o’zini qiziqtirgan masala yuzasidan fanga ma’lum bo’lgan axborotni imkon qadar to’la o’zlashtirib olmog’i shart. Bularning bari ilmiy-texnika ma’lumotlarini yig’ish va o’rganish yo’li bilan hal etilishi mumkin. Hozirgi vaqtda axborotlar hajmi juda muhim bo’lib, internet joriy etilganligi munosabati bilan imkoniyatlar kundan-kunga o’sib bormoqda.