Mavzu: Iqtisodiyot nazariyasi fanining talaba yoshlar ongiga ilmiy dunyoqarashini shakllantirishda va milliy istiqlol g’oyasini singdirishdagi ahamiyati

Mavzu: Iqtisodiyot nazariyasi fanining talaba yoshlar ongiga ilmiy dunyoqarashini shakllantirishda va milliy istiqlol g’oyasini singdirishdagi ahamiyati.
Hozirgi kunda biz global o’sish davrida yashar ekanmiz, hayotimizni iqtisodsiz tasavvur eta olmaymiz. Bunga bir maqolni ham misol keltirishimiz mumkin: Avval iqtisod keyin siyosat. Eng avvalo biz “Iqtisod” tushunchasini nimaligini tushunishimiz darkor. Moddiy va nomoddiy ne’matlarni ishlab chiqarish, taqsimlash, ayirboshlash va iste’mol qilishni aks ettiruvchi ijtimoiy xo’jalik-iqtisodiyot deb ataladi. Iqtisodiyotning bosh masalasi- ehtiyojlarning cheksizligi va iqtisodiy resurslarning cheklanganligi. Iqtisodiyot-cheklangan iqtisodiy resurslardan unumli foydalanib, insonlar uchun zarur bo’lgan hayotiy vositalarni ishlab chiqarish va yetkazib berishga qaratilgan va chambarchas bog’liqlikda amal qiladigan faoliyatlar birligini ta’minlovchi iqtisodiy tizim. Ehtiyoj- insoning yashashi va kamol topishi uchun kerakli hayotiy vositalarga bo’lgan zaruriyat. Iqtisodiyot bu-hayotning mazmuni. Shu bilan birga, talabalar bu yo’nalish orqali hayot uchun kerakli bo’lgan narsa olishadi. Chunki bu narsasiz hayotni tasavvur qilish qiyin. Har bir qilayotgan ishimizni o’zi iqtisodga borib taqaladi. Ya’ni bizdek talabalarga fikrim shundan iboratki, qanaqa sohada, qanaqa ishda ishlashdan qat’iy nazar, baribir iqtisodiyotni bilish zarur. Oddiygina misol qilib, transportlarda harakatlanishimizni keltirishimiz mumkin. Agar shu aytilgan narxni bermasak, transport vositalarga kirmasligimiz yoki transportdan tushirib yuborishi tabiiy albatta. Yoki bo’lmasam, gaz, svet, elektr energiyasiga pul to’lamasak, bizni javobgarlikka tortadi.