mavzu. Iqtisodiy siyosat asoslari va tarkibi. – soat. Iqtisodiy siyosat va uni amalga oshirish

Davlat siyosati milliy manfaatlardan kelib chiqqan holda ma’lum maqsadlarni ko'zlaydi.
Bulardan asosiylari quyidagilar:
1. Barqaror iqtisodiy o‘sishni ta’minlash. Bu yalpi ichki mahsulotning bir maromda va yetarli sur’atlar bilan o'sishiga sharoit yaratishni bildiradi, chunki YalM qanchalik tez o‘ssa, mamlakat iqtisodiy qudrati shunchalik oshadi.
2. Milliy iqtisodiyotning mustaqilligini ta’minlash, uni chet elga qaram bo‘lishiga yo‘l qo'ymaslik. Iqtisodiyot qanchalik mustaqil bo‘lsa, shunchalik milliy manfaatlarga ko'proq xizmat qiladi.
3. Iqtisodiy xavfsizlikni ta’minlash. Bu iqtisodiy oborotning uzluksizligini, ya’ni takror ishlab chiqarishning to'xtovsiz davom etishini, iqtisodiy falajlikka yo‘l qo'yilmasligini bildiradi.
4. Milliy pul qadr-qiymatining barqarorligini ta’minlash, mamlakatdagi pul muomalasining me’yorida borishiga erishish, pulni iqtisodiy aloqalarning muntazam ishlab turuvchi vositasiga aylantirish.
5. Aholi turmush farovonligini muttasil oshirib, iqtisodiyotning ijtimoiyligini to'laroq yuzaga chiqarishga ko'maklashish.
6. Milliy iqtisodiyotni xalqaro integratsion jarayonlar va globallashuv jarayonlarida faol ishtirok etib, xalqaro iqtisodiyotda o'z o'rnini topishi, baynalmilal iqtisodiy munosabatlarning teng huquqli ishtirokchisiga aylanishiga erishish.
Davlatning iqtisodiyotga aralashuvi ikki yo‘nalishda kechadi.
Birinchidan, iqtisodiyotning davlat sektorini tashkil etuvchi korxona va tashkilotlar milliy iqtisodiyotning tarkibiy qismi sifatida tovar va xizmatlar yaratib bozor munosabatlarida ishtirok etadi.
Ikkinchidan, davlat umumiy manfaatlarini ifodalovchi kuch sifatida milliy iqtisodiyotni tartiblashda ishtirok etadi.
Respublikamizda yaqin istiqbolda ham: “iqtisodiyotda davlat ishtirokini kamaytirish, xususiy mulkning huquqlarini himoya qilish va uning istiqbolli rolini yanada kuchaytirish, kichik biznes va xususiy tadbirkorlik rivojlanishining rag‘batlantirishga qaratilgan institusional va tarkibiy islohotlarni davom ettirish” nazarda tutiladi. Bunda quyidagilarga ustuvorlik beriladi: