Mavzu: Ilmiy adabiyotlarni o‘qish va manbalardan foydalanish Reja

Ilmiy adabiyotlarni mutolaa qilish qoidalari:
1.Mutolaa g‘oyat jiddiy va sermulohazali bo‘lishi kerak.
2. Ilmiy adabiyotlarni mutolaa qilishda:
* o‘qib chiqilgan matnni tahlil etish kerak;
* notanish atamalar va tushunchalar ma’nosini bilib olish lozim;
* o‘zingizga ahamiyatli bo‘lgan savollarga javob izlash zarur;
* axborotlarni markirovkalash, belgilar qo‘yish kerak.
3.Sizning ilmiy ishingizda asqotadigan joylarini: qiziqarli fikrlar, faktlar, raqamlar, har xil nuqtai nazarlarni ko‘chirib olish zarur;
4.O‘qib chiqqandan keyin olingan axborotlarni ularga tanqidiy nuqtai nazardan, shuningdek, sizning tadqiqotingiz uchun ahamiyatini hisobga olib, unga yondashgan holda baholash.
Axborotlarni markirovkalash usullari
Kerakli axborotlarni izlash va belgilash usullari:
- Belgilar qo’yilgan xatcho’plar.
- Qalam bilan tagiga chizish.
- Alohida belgilar tizimi.
Axborotlarni markirovkalashning alohida belgili tizimiga misollar:
? – shubhalanish, savol berish;
!!! – muhim, e’tibor berish;
NB! – yaxshi, qayd qilish, ko‘chirib olish;
√ – bilganimni tasdiqlayman;
+ – yangi axborot;
(-) – bilganimning aksi;
? – meni o‘ylantirib qo’ydi. Menga bu borada qo’shimcha axborot kerak.
Kitob, ilmiy jurnal, ilmiy maqolalar, tezislar to’plami bilan ishlashning protsetsual tizimi
1-bosqich - ko‘z yugurtirib chiqish, sarlavhalarni o‘qish. Maqsad kerakli va qiziqarli materialni tez belgilash.
2-bosqich qayd qilingan maqolalarni sinchiklab ko‘rib chiqish. Maqsad zarur axborotni olish. Bu bosqichda matnning kerakli joylarining tagiga chizish, ajratish, alohida ma’noli qismlarga bo‘lish, ko’chirmalar qilishga o‘rganish kerak. Agar siz jurnal, to’plamning tuzilmasini va ruknlarini, ozingizga qiziqarli bo’lgan olimlar va tadqiqotchilarning familiyalarini bilsangiz, muayyan mavzuga oid materiallarni izlash osonlashadi. Jurnal yoki to’plamga birinchi marta murojaat etishda hoshiyada o’qib chiqishingiz kerak bo’lgan maqolalarni qayd qilib qo’yish foydalidir.