Mavzu: Hunar bebaho boylik

Hunar – hunardan unar
Sarvarjon – kichik dehqon,
Yashar yer-la tillashib.
Singlisi bilan har on
Ish qiladi bellashib.
Yerni chopib, avaylab,
No‘xat ekdi bu yil ham.
urug‘ini saralab,
O‘stirdi piyoz, karam.
Erinmasdan ter to‘kar,
Mo‘l bo‘lsin deb sabzavot.
Shu bois kichik Sarvar
Qozondi tez yaxshi ot.
Men ekkan qovunlar ham
Qani tez o‘sa qolsa.
Hosilini ko‘rganlar
Nomimni tilga olsa!..

3-bosqich. O'qituvchi o'quvchilarga she'rni qismlarga bo'lib ifodali o'qitadi, birgalikda she'r ustida ish olib boradi va savollar bilan murojaat qiladi:

1. She’r kim haqida? u qanday yumush bilan mashg‘ul ekan?
2. Nima uchun she’r «Hunar – hunardan unar» deb nomlangan?
Siz ham ekin ekkanmisiz? Shu haqida gapirib bering.
2-savolga javobni o'quvchilar daftarlariga yozadilar. O'qituvchi eng ko'p javob yozgan o'quvchilarni aniqlaydi va ularning javoblari-ni eshitadilar. Barcha o'quvchilar javoblari ichidan «Eng ko'p javob», «Eng chiroyli javob», «Eng qiziqarli javob» egalari rag'batlantiriladi. 15 daqiqa

4-bosqich. Darslikda berilgan hikmatli gap o'qiladi, mazmuni tushuntiriladi. O'qituvchi hikmatli so'zlar ustida to'xtalib, uning ulug' kishilar tomonidan aytilganini, unga rioya qilganlar hayotda kam bo'lmasligini tushuntiradi.

Har bir kishining qadr-qimmati o‘z ishini qoyil qilib bajarishidadir.

Mavzuga doir boshqa qo'shimcha materiallar bilan ishlanadi.

-Kasb-hunar haqida buyuk ajdodolarimiz fikrlaridan namunalar:

-Kosibdan shodu-xurram yo’q jahonda,

Hunarlidan yaxshi yo’q jahonda. N.Xisrav

-Hunar o’rgan,hunarda ko’p sir,

Yopiq eshiklarni ochar birma-bir N.Ganjaviy

-Hunar bo’lsa aqling birikkan hamon

Har ish bu jahonda yurishgay ravon. A.Firdavsiy

-Kim hunarni desa u dono bo’lur,

Nodonlar qudrat deb boylikni bilur. A.Jomiy

-Bobomiz A.Navoiy “Umrni zoye o’tkazma mehnat qil,mehnat saodatning kaliti bil”deya bejiz aytmaganlar.Yurtimizda yoshlarning o’zlari xohlagan kasb-hunarni egallashlari uchun zarur sharoitlar yaratilgan.Barcha qulayliklarga ega kasb-hunar kollejlari yigit-qizlar o’zlari yoqtirgan hunar sirlarini puxta o’rganmoqdalar.

Maqol va hadislar

Hunari yo’q kishining

Mazasi yo’q ishining

Hunar bo’lsa qo’lingda

Non topilar yo’lingda

Mehnatni ko’zini topgan

Boylikni o’zini topar

Hunar oshatar

Mehnat yashnatar

Qunt bilan o’rgan hunar

Hunardan rizqing unar

Ilmsizga ishonch yo’q

Hunarsizga quvonch yo’q

Hadislar

-Obro’ qozonaman desang o’z ishingni ustasi bo’l

-Qaysi bir odam halol kasb bilan mol-u dunyo topib undan o’zi va tangrining, boshqa bandalarning oziq- ovqat kiyim kechaklari uchun sarf qilsa shularning hammasi unga sadaqa hukmiga yoziladi