Мавзу: Геодезик таянч тўрлар

Геодезик таянч шахобчаларини барпо қилиш методлари.
Геодезик таянч шахобчаларини барпо қилишни бир неча хил методи бор. Астрономик метод, геодезик метод, радиогеодезик метод - шулар жумласидандир. Ҳозирги вақтда асосан геодезик метод қўлланилмоқда. Геодезик методнинг ўзи - триангуляция, полигонометрия ва трилатерация деган турларга бўлинади.
Пунктларнинг географик координатларини астрономик методда бир-бирига боғланмай, алоҳида-алохида аниқланади. Лекин астрономик методда пунктлар координаталарининг аниқланиш даражаси ҳозирги вақтда геодезик таянч шахобчаларига бўлган талабни қондирмайди, шунинг учун астрономик метод катта аниқлик талаб қилинмайдиган вақтда қўлланилади.
Кейинги йилларда 1:50000, 1:100000, 1:25000 масштабли аэрофототопографик план олиш учун геодезик таянч шахобчалари барпо қилишда радиогеодезик метод қўлланилади. Радиогеодезик метод территорияни самолётдан туриб суратга олиш вақтида самолетнинг ўрнини аниқлашга асосланган эди.
Қитъа ва ороллардаги геодезик таянч шахобчаларини бир-бирига боғлашда космик геодезик усулдан хам фойдаланилмоқда.
Геодезик таянч шахобчаларини барпо қилишда жойнинг шароитига қараб, иқтисодий жихатдан энг яхши самара берадиган метод қўлланилади.
Ҳозирги планли геодезик таянч шахобчалари асосан триангуляция ва полигонометрия методларида ҳосил қилинмоқда.

Триангуляция методи.
Триангуляция методида қатор учбурчакларнинг барча ички бурчаклари (b₁, b₂, b₃, ... b₁) бошланғич ва охирги учбурчакларнинг бирор томони (АВ ва MN) ўлчаниши лозим. Ҳар учбурчакнинг ички бурчакларининг ўлчаш учун уларнинг учлари бир-биридан кўриниши керак.

Шакл 28

Шунинг учун учбурчакнинг учлари сифатида баланд нуқталар танланади. Бироқ бу нуқталардан ҳосил бўладиган учбурчаклар мумкин қадар тенг томонли бўлиши шарт. Жойда триангуляция учбарчакларининг учларига марказ, марказга пирамида ёки сигнал ўрнатилади. Триангуляция пунктларининг координаталарини аниқлаш учун учбурчакларнинг ички бурчаклари билан бир қаторда бошланғич учбурчакларнинг бирор томони (АВ) ни ва бу томоннинг ҳақиқий азимути ёки дирекцион бурчаги (a) ни ҳам ўлчаш керак. Агар АВС ясси учбурчакнинг АВ томони маълум бўлса, қолган томонларини синуслар теоремасига асосланиб ҳисоблаб чиқариш мумкин:

BCD учбурчакнинг СД ва ВД томонлари ВС томон билан ички бурчаклар (b₄, b₅, b₆) қийматларига асосланиб топилади. Кейинги учбурчакларнинг томонлари хам шу тарзда аниқланади.
Кўпинча АВ, ВС.... томонлар жуда узун бўлганлиги учун ав ёрдамчи томон орқали АВ узунлиги топилади. 2 та учбурчак Аав ва аВв лар тузилади. Булар базис шахобча бўлади; ав ва бурчак j₁ ва бурчак y₁ бевосита ўлчанади. Шулар ёрдамила АВ узунлиги аниқланади.