Mavzu: Fonetika, grammatika, so`z yasalishi va orfografiyani o`rganish metodikasi Boshlang`ich sinflarda ona tilini o’rgatishning mazmuni va vazifalari. Reja

Boshlang`ich sinflarda ona tili darslarining turlari va ularga qo’yiladigan talablar
Darsning umumiy tasnifi. Dars - uzluksiz ta`lim muassasalarida amalga oshiriladigan ta`limning asosiy shakli. O`quv ishlarining asosiy tashkiliy shakli, mantiqiy tugallangan, yaxlit o`quv-tarbiyaviy jarayonning aniq vaqt bilan cheklangan qismi. Dars muayyan miqdordagi o`quvchilar tarkibi bilan qat`iy tartibda uyushtiriladigan va aniq maqsadga yo`naltirilgan didaktik tadbir².
Yangilanayotgan pedagogik tafakkur talablariga ko`ra zamonaviy dars quyidagi xususiyatlarga ega bo`lishi lozim:
- ta`limning tarbiyaviy maqsadlarga bo`ysundirilganligi;
- o`quvchilarni barkamol shaxs sifatida shakllantirishga yo`naltirilganligi;
- ilmiyligi va izchilligi;
- tarbiyalanuvchilarning faolligi va mustaqilligini ta`minlashga qaratilganligi;
- insonparvarligi va demokratiya yo`nalishiga egaligi;
- tizimliligi;
- bilimlarning ongli ravishda o`zlashtirishga qaratilganligi;
- amaliy ahamiyatga egaligi³.
Zamonaviy ta`lim tajribasida dars vaqti 45. 40, 35 va 30 daqiqani tashkil etishi mumkin.
Darsga qo`yiladigan pedagogik tafakkur talablaridan kelib chiqib, psixologiya, fizioligiya, psixolingvistika tavsiyalariga asoslanib quyidagi umumiy talablar qo`yiladi:
1. Ta`limiy talab. Har bir dars o’quvchiga ona tili predmeti yuzasidan (boshlang`ich sinfda savod o`rgatish darslari, o`qish darslari, ona tili darslari ona tili predmeti atamasi ostiga birlashtirilgan) dastur talablari muvofiq bilim berishi lozim.
2. Tarbiyaviy talab. Har bir dars mavzusi, darslikdagi o`quv materiali va o`qituvchi tomonidan mavzuni mustahkamlashga xizmat qiladigan qo`shimcha o`quv materiallari mazmunidan kelib chiqib o`quvchilarga ma`naviy-axloqiy tarbiyalar singdiriladi.
3. Didaktik talablar. Dars o`qituvchi va o`quvchilarning ijodiy faoliyat shakli bo`lib, u keng ko`lamli va serqirra pedagogic hodisa bo`lganligi uchun ham unga quyidagi didaktik talablar qo`yiladi: 1) darsning maqsadi va vazifalarini aniq belgilash; 2) darsning turini va shaklini belgilash; 3) darsning vositalarini aniqlash; 4) darsda foydalaniladigan jihozlar, texnik vositalarni tanlash; 5) o`quvchilarning mavzuni tushunib olishlarini ta`minlovchi o`quv materiallari ustida ishlash metod va usullarini tanlash; 6) o’quvchilarning bilimini nazotar qilish va baholash shakllari aniqlab olish.