Мавзу: Физик кимёвий анализ методлари

Фаннинг ишлаб чиқаришдаги ўрни
Спектрофотометрик ва фотометрик анализ методлари фан соҳасининг янги ривожланаётган соҳаларидан бири бўлиб, у ҳозирда турли соҳаларда, жумладан тиббиётда, қишлоқ хўжалигида, кимё саноатида ва саноатнинг бошқа соҳаларида кенг қўлланилади. Спектрофотометрик ва фотометрик анализ методлари (тўғри спектрофотометрия,дифференциал спектроскопия, спектроскопик титрлаш) фанининг ишлаб чиқаришда атроф - муҳитни мухофаза қилиш, ишлаб чиқарилаётган махсулотнинг ва мавжуд объектлар таркибини экспресс назорат қилиш имконияти туфайли ишлаб чиқаришда муҳим ўрин тутади.

Фанни ўқитишда замонавий ахборот
ва педагогик технологиялар
Дастурда кўрсатилган мавзулар маъруза, семинар ва лаборатория машғулотлари шаклида олиб борилади, шунингдек, фаннинг айрим бўлимлари талабаларга мустақил иш сифатида ўзлаштириш учун берилади. Фан замонавий педагогик технологиянинг “Кластер”, “Бумеранг”, “Бошқарув” “Ақлий ҳужум”, «Резюме» каби методлари орқали ҳамда слайдлар, жадваллар, плакатлар ва хар бир маърузалар давомида мавзуга доир кўргазмали тажрибалар намойиши билан ўтказилади.

Асосий қисм

Фаннинг услубий жиҳатдан узвий кетма-кетлиги

“Спектрофотометрик ва фотометрик анализ” фани турли мураккаб объектлар (сув, тупроқ, ҳаво, қотишмалар, геологик, биологик, атроф-муҳит объектлари ва ҳок.) анализини амалга ошириш. Кимёвий анализнинг назарий асослари ва методларини ишлаб чиқиш, атроф-муҳитдаги ҳар хил объектларнинг элементар кимёвий тузилишини, сифат ва миқдорий аниқлашни таъминлайдиган методлар ишлаб чиқиш ва ўргатишдан иборат.

Фаннинг назарий машғулотлари мазмуни
Электромагнит нурланиш спектрлари, унинг асосий тавсифлари ва уларни ифодалаш. Спектрнинг турли сохалари. Молекуляр спектрлар.
Спектрал асбобларнинг классификация ва тавсифлари. Фотоэлектроколориметрия, Столетов фотоэффекти, фотоэффект қонунлари. Фотоэлементлар: селенли, сурьма, цезийли ва кислород-цезийли. Спектрал ва интеграл тавсифлар. Нур оқимини монохроматлаш: нур фильтрлари, диспергирловчи призмалар. Асбоблар: спектрофотометрлар ва фотоэлектроколориметрлар; СФ-26,16,46; ФЭК-56,60 ва КФКлар