Mavzu: Faradey qonuni. Induksiya eyuK. Zamonaviy induksion generatori. Mavzu: Faradey qonuni. Induksiya eyuK. Zamonaviy induksion generatori

Darsning borishi.

I.Tashkiliy qism.

a) salomlashish

b) davomatni aniqlash

s) darsga tayyorgarlik

II.O‘tilgan mavzuni so‘rash

Magnit maydoni bobiga doir takrorlash bo’lib, sinf uch guruhga bo’linadi va guruh nomlanadi.

1-guruh: Magnit

2-guruh: Magnit induksiya

3-guruh: Magnit oqimi

1-bosqichda har bir guruh ishtirokchilari o’z nomlari yuzasidan ma’lumotlar aytishadi.

1-bosqichda har bir guruh ishtirokchilari o’z nomlari yuzasidan ma’lumotlar aytishadi.

2- bosqichda “Har kim har kimdan o’rganadi” metodidan foydalanib, o’quvchilar bir-biriga o’tilgan mavzu yuzasidan savollar berishadi

3-bosqich «O’ylab top!» va «Formula ichida formula» o’yinidan foydalaniladi .1-guruh F=μI1I2 L/2πd

3-bosqich «O’ylab top!» va «Formula ichida formula» o’yinidan foydalaniladi .1-guruh F=μI1I2 L/2πd

2-guruh B=I∆Lsinɑ/4πr2

3- guruh R=mʋsinɑ/qB

3. Yangi mavzuning bayoni.

Elektr toki magnit maydonni vujudga keltirar ekan, bunda teskari hodisa - magnit maydon yordamida o'tkazgichda elektr tokini hosil qilib bo'lmasmikan? 1820-yil daniyalik olim Ersted tokning magnit ta’sirini kashf qilgach, ingliz olimi Maykl Faradey magnit maydon orqali elektr tokini hosil qilishni o‘ziga maqsad qildi. U bu masala ustida 10 yildan ortiq ishlab, 1831-yili uni ijobiy hal qildi.

Ko‘rgazmali asboblardan foydalangan holda Faradey tomonidan o‘tkazilgan tajribani qaraylik. U g‘altak va galvanometrni ketma-ket ulab, berk zanjir hosil qildi (2.1-rasm). G‘altak ichiga doimiy magnet kiritilayotganda, galvanometr strelkasining og‘ishi kuzatiladi. Bunda g‘altakda tok hosil bo‘ladi (2.1-a rasm). Agar magnitni harakatlantirmay g‘altak ichida tinch tutib turilsa galvanometr strelkasi nolni ko‘rsatadi, ya’ni g‘altakda tokning yo‘qolganligi kuzatiladi (2.1-b rasm). Magnit g‘altak ichidan sug‘urib olinayotganda esa, yana g‘altakda tokning hosil bo‘lganligi kuzatiladi. Bunda galvanometr strelkasi teskari tomonga og‘adi (2.1-d rasm).Agar magnit tinch holda bo‘lib, galtak harakatga keltirilsa ham, shu hodisani kuzatamiz. Demak, g‘altakni kesib o‘tayotgan magnit oqimi har qanday yo‘l bilan o‘zgartirilganda g‘altakda elektr yurituvchi kuch hosil bo‘lar ekan.