Mavzu: fan, ta’lim va amaliyot integratsiyalashuvi reja: Fan, ta’lim va amaliyotning uzviy aloqadorligi

---

MAVZU: FAN, TA’LIM VA AMALIYOT INTEGRATSIYALASHUVI
REJA: 
1. Fan, ta’lim va amaliyotning uzviy aloqadorligi. 
2
. 
Ilm-fan va oliy ta’limning uzviy bog‘liqligi. 
3
. 
Ilm-fan va ishlab chiqarishning uzviy bog‘liqligi.
“Tayanch” iboralar 
Fan, ta’lim, amaliyot, Integratsiya, Ilmiy tashkilot, ishlab chiqarish, oliy ta’lim 
muassasalari, «ustoz — shogird», texnologiyalar. ilmiy ishlab chiqarish markazi,
akademik ilm-fan, ilmiy, o‘quv-uslubiy va axborot baza. 
 
1.Fan, ta’lim va amaliyotning uzviy aloqadorligi 
So‘nggi 15-20 yillar davomida ilmiy anjumanlar, davriy nashrlar va umuman 
ilm-fan va ta’lim jamoatchiligida 
«fan, ta’lim va amaliyot integratsiyalashuvi» 
keng 
ko‘lamda muhokama qilinmoqda. Lekin mazkur masalaning ayrim jihatlari hali ham 
mantiqiy poyoniga yetmagan.
Shu bois, bu borada qanday ishlar amalga oshirilishi zarurligi xususida fikr-
mulohazalarimizni batafsilroq bayon qilmoqchimiz.
Avvalo, yuqoridagi atamalardan har birining lug‘aviy mazmuni va etimologik 
jihatlariga batafsilroq to‘xtalsak. O‘zbek tilining 5 jildlik izohli lug‘atida ushbu 
atamalarga quyidagicha ta’riflar berilgan: 
«
Fan
(arabcha – san’at, mahorat; erkin kasb; ilm, bilim; tarmoq) Tabiat va 
jamiyatning taraqqiyot qonuniyatlarini ochib beruvchi hamda o‘zi erishgan natijalar 
bilan atrof muhitga ta’sir ko‘rsatuvchi bilimlar tizimi». 
Ta’lim tushunchasiga esa keng qamrovli tarzda to‘rtta izoh berilgan. 
«
Ta’lim
(arabcha –o‘rgatish, o‘qitish, ilm berish; ma’lumot) 1 Bilim berish, malaka va 
ko‘nikmalar hosil qilish jarayoni, kishini hayotga va mehnatga tayyorlashning asosiy 
vositasi. 2 Ilm-fan yoki kasb-hunar sohalari bo‘yicha egallanadigan, olinadigan 
ma’lumot va ko‘nikmalar majmui; bilim. 3 Tarbiya, odob-axloq. 4 Ko‘rsatma, yo‘l-
yo‘riq, o‘rgatuv». 
«