Mavzu: Erkin iqtisodiy zonalarning tushunchasi,maqsadlari va turlari

3-modda. Erkin iqtisodiy zonani tuzish
Erkin iqtisodiy zona O‘zbekiston Respublikasi Prezidentining qarori bilan tashkil etiladi. Erkin iqtisodiy zonaning maqomi, shuningdek uning qancha muddatga tashkil etilishi mazkur zonani tashkil etish to‘g‘risidagi qaror bilan belgilanadi.
Qarang: O‘zbekiston Respublikasi Prezidentining 2008-yil 2-dekabrdagi PF-4059-sonli “Navoiy viloyatida erkin iqtisodiy zona tashkil etish to‘g‘risida”gi Farmoni 1-bandining birinchi xatboshisi, 2-bandining ikkinchi xatboshisi, O‘zbekiston Respublikasi Prezidentining 2016-yil 26-oktabrdagi PF-4853-sonli “Erkin iqtisodiy zonalar faoliyatini faollashtirish va kengaytirishga doir qo‘shimcha chora-tadbirlar to‘g‘risida”gi Farmoning 1-bandi, O‘zbekiston Respublikasi Prezidentining 2017-yil 12-yanvardagi PF-4931-sonli “Urgut”, “G‘ijduvon”, “Qo‘qon” va “Hazorasp” erkin iqtisodiy zonalarini tashkil etish to‘g‘risida”gi Farmoning 1-bandi, 4-bandining ikkinchi xatboshisi, O‘zbekiston Respublikasi Prezidentining 2017-yil 3-maydagi PF-5032-sonli “Nukus-farm”, “Zomin-farm”, “Kosonsoy-farm”, “Sirdaryo-farm”, “Boysun-farm”, “Bo‘stonliq-farm” va “Parkent-farm” erkin iqtisodiy zonalarini tashkil etish to‘g‘risida”gi Farmoni 3-bandining ikkinchi xatboshisi.
Erkin iqtisodiy zonaning chegaralari O‘zbekiston Respublikasi Vazirlar Mahkamasi tomonidan belgilanadi.
Qarang: Vazirlar Mahkamasining 2009-yil 27-yanvardagi 21-sonli “Navoiy” erkin iqtisodiy zonasi faoliyatini tashkil etish chora-tadbirlari to‘g‘risida”gi qarorining 1-bandi, Vazirlar Mahkamasining 2013-yil 26-avgustdagi 234-sonli “Erkin iqtisodiy zonalar qatnashchilariga yer uchastkalari berish tartibi to‘g‘risidagi nizomni tasdiqlash to‘g‘risida”gi qarori, Vazirlar Mahkamasining 2017-yil 10-apreldagi 196-son qarori bilan tasdiqlangan “Urgut”, “G‘ijduvon”, “Qo‘qon” va “Hazorasp” erkin iqtisodiy zonalariga kiruvchi hududlar”, Vazirlar Mahkamasining 2018-yil 16-yanvardagi 29-son qaroriga 3-ilova sifatida tasdiqlanga “Erkin iqtisodiy zonalar qatnashchilariga yer uchastkalari berish tartibi to‘g‘risida nizom”.
Erkin iqtisodiy zonaning faoliyat ko‘rsatish muddatini uzaytirish belgilangan muddat tugashidan kamida uch yil oldin O‘zbekiston Respublikasi Prezidentining qarori bilan amalga oshiriladi.
(3-modda O‘zbekiston Respublikasining 2009-yil 23-sentabrdagi O‘RQ-224-sonli Qonuni tahririda— O‘R QHT, 2009-y., 39-son, 424-modda)