Мавзу: эфкни аммиак билан нейтраллаш технологияси ва иссиқлик баланслари

2.2 Ҳом-ашё, ёрдамчи материаллар, чиқиндилар, улардан фойдаланиш, тайёр маҳсулотга қўйиладиган ГОСТ ва техник шартлар талаблари

Ўзбекистон кимёгарларининг қатор йиллар давомида Қоратоғ фосфоритидан сульфат кислотали экстракциялашдан олинган фосфат кислотасини концентрлаш, унинг физик-кимёвий хоссаларини ўрганиш юзасидан ўтказган тадқиқотлари натижасида таркибида магний бирикмалари тутган фосфат кислоталарнинг концентрданишида қуйилиб қолиш сабаблари хам назарий, хам амалий жихатдан асосланди ва бу борада ижобий натижаларга эришилди.

Наманган мухандислик-педагогика институти профессори, техника фанлари доктори К. Гафуровнинг олиб борган захматли мехнатлари натижасида таркибида магний тутган ЭФК ларнинг концентрлаш жараёнида қўйилиб қолиш сабаблари хам илмий, хам амалий жихатдан асослаб берилди. Нафақат қуйилиш сабаблари, балки бундай кислотаарни концентрлашда қуйилиб қолишини олдини олиш йўллари хам очилиб, амалий жихатдан синовдан мувоффақиятли ўтказилди.
20°С хароратдаги сувда ва NН₄NО₃ (кимёвий тоза — к.т.) нинг 1% ли сувли эритмасида МgНРO₄ (к.т.) ва МgF₂ (к.т.) ларнинг изотермик эрувчанлигини ўрганиш — МgНР0₄ (к.т.) ва МgF₂ ларнинг сувдаги эрувчанлиги мувофиқ равишда 1,392 ва 0,117% (Мg0 бўйича 0,464 ва 0,0755%), аммоний нитрат эритмасидаги эрувчанлиги эса мувофиқ равишда 9,99% ва 0,248% (Мg0 бўйича 3,330 ва 0,160%) бўлишини аниклаш имкониятини яратди. Шундай экан, 1,0% ли аммиакли селитра эритмасида магний тузларининг эрувчанлиги МgНР0₄ учун етти марта, МgF₂ учун икки марта ортади. [15].
20°С хароратда 0,1, 0,5 ва 1,0 молярли аммиакли селитра эритмаларида МgF₂ нинг эрувчанлигини ўрганиш натижасида МgF₂ нинг эрувчанлиги концентрациянинг ортиши билан деярли ўзгармаслиги аниқланди. Масалан, 0,1 молярли аммиакли селитра эритмасида МgF₂ нинг эрувчанлиги 0,2478% (0,1598% Мg0, яъни 0,040 моль МgF₂) ни, 0,5 молярли эритмада 0,2694% (0,17388% Мg0, яъни 0,0435 моль МgF₂) ни ва 1,0 моляр эритмада эса 0,2695% (0,1753% Мg0, яъни 0,0435 моль МgF₂) ни ташкил этади.
МgS0₄—H₃Р0₄—NH₄NО₃—Н₂0 системасини ўрганиш натижасида 0-60% P₂O₅ концентрацияли интервалда МgS0₄*7Н₂O нинг эрувчанлиги МgSO₄—3Р0₄—H₂O системасидагига нисбатан 2-1,5% га ортиши аниқланди.
Таркибида магний тутган фосфоритларни фосфат кислотага сульфат кислотали экстракциялаш жараёнида магний бирикмаларининг туда экстракция фосфор кислота таркибига ўтиши кузатилади. Бундай ЭФК ни буғлатиш жараёнида эритмадаги барча тузларнинг тўйиниши билан бир қаторда дастлаб магний ионларининг сульфат ионлари билан бирикиб МgS0₄, сўнгра шу билан бир вақтда унинг гидратлаииши хисобига МgS0₄*Н₂О дан токи МgS04*7Н₂О гача бўлган гидратланиш жараёни содир бўлади. Бу эса ЭФК нинг қуйилиб қолиши ва оқувчанлигини йўқотишига сабаб бўлувчи омиллардан биридир. Бундан ташқари, эритманинг қуйилишига ЭФК таркибидаги бошқа катион ва анионлардан иборат қўшимчалар хам ўз таъсирини маълум даражада кўрсатади.
Шунинг учун экстракция фосфор кислотани буғлатишда кислотани қуйилиб қолишига олиб келадиган ундаги қийин эрувчан қўшимчаларни эритиш мақсадида ва экстракция фосфор кислотани концентрлашда унинг қовушқоқлигини камайтирувчи агент сифатида аммоний нитрат ишлатилган.
Таркибида магний тутган экстракция фосфор кислоталарни буғлатишдан олдин унинг таркибидаги магнийнинг микдорига мувофиқ холда:
NH₄NO₃ = 0,5 + 0,25-и
бу ерда: т — ЭФК га қўшиладиган аммоний нитратнинг оғирлик микдори;
и — ЭФК даги Мg0 нинг огирлик микдори; [16].
0,5 — доимий сон формула бўйича аммоний нитрат қўшилади ва эритмани 50-55% P₂O₅, гача буғлатилади.Экстракция жараенинг асосий шартлари
Калций сульфатни йирик, осон ажраладиган, яхши ювиладиган кристалларини хосил қилиш.
Бунга- жараён босқичлари учун жихозларни тўғри танлаш;
-танланган усул (гипс, яримгидрат ёки ангидрид) даги СаSO₄*nH₂O кристалгидратини чўкиши;
-талаб этилган махсулот концентрациясини олишни таъминлаш учун;
қайта ишлатувчи эритма концентрацияси С:К (Ж:Т) нисбати ва харорат муайян қийматда ушлаб турилади.