Mavzu: dori allergiyasi

Stivens-Djonson sindromi
Ko’p shaklli ekssudativ eritemaning og’ir va o’tkir xili hisoblanadi. Dastlab, 2 ta bolada namoyon bo’lganini tarifini berishgan amerikalik pediatrlar sharafiga ularning nomi quyilgan.
Ko’p olimlarning fikriga ko’ra, Layella sindromiga o’xshash bu sindrom ko’p shaklli ekssudativ eritemaning og’ir formasi klinik ko’rinishiga mos keladi va organizmning biror yot modda yuborilishiga nisbatan javob tariqasida giperergik reaksiya yuzaga kelishi bilan xarakterlanadi.
Kasallik birdan haroratning ko’tarilishi (39-40°S), va keyinchalik xarorat sekinlik bilan pasayadi va 3-4 xafta mobaynida subfebril bo’lib qoladi. Organizmda yaqqol intoksikatsiya namoyon bo’ladi . Bo’g’imlar va bosh og’rig’i, og’iz, ko’z, jinsiy a’zolar shilliq qavatida shishgan, bushashgan pufaklar , pufakchalar paydo bulishi bilan boshlanib, eroziyalar, yaralar xam kuzatiladi. Og’iz shilliq qavatining ko’p qismi shikastlanishi xisobiga ovqat yeyish va xattoki suyuqlik ichish deyarli mumkin bo’lmay qoladi. Lablar qonli yiringli qatqoloqlar bilan qoplanadi. Odatda ko’z konyuktivasi (pufaklar, eroziyalar) xam shikastlanadi, qovoqlar terisi keskin shishgan va pufaklar qatqaloqlar bilan qoplangan. Keratit va panoftalmit og’ir hollarda ko’zi ojizlik bilan yakunlanadi. Genitaliy shilliq qavati yaqqol shishadi, polimorf shikastlanishlar paydo buladi. Tez –tez burun qonaydi. Jarayonga bo’g’iz va traxeya qo’shilsa bazan traxeotomiya zarur bo’ladi. Meda – ichak trakti vazifalarini yaqqol kurinishi namoyon bo’ladi, bazan yondosh asorat yuzaga keladi: gepatit, bronxit, plevrit va boshqalar. Teri toshmalari ( shishgan dog’ va toshmalar yaqqol qizil rangda, bushashgan yirik pufaklar 3-5sm gacha va undan yuqori diametrli) terining katta qismini egallaydi. Nikolskiy simptomi ko’pincha ijobiy. Markaziy asab tizimi shikastlanishi va koma rivojlanishi natijasida o’lim holatlari kuzatiladi. Bunda bemorning umumiy ahvoli yomonlashadi, teri va shilliq qavatlardagi eroziyalar birlashib katta sohalarni egallaydi va ulardan qon oqishi kuzatiladi.