Mavzu: chorvachilikda texnologik jarayonlarni avtomatlashtirish asoslari

Mavzu: CHorvachilikda texnologik jarayonlarni avtomatlashtirish asoslari

Reja:

1-Avtomatik boshqarish asoslari. Asosiy tushunchalar.

2-Avtomatik boshqarish tizimining sinflanishi.

3-Avtomatik boshqarish tizimlarining elementlari.

4-Avtomatik boqarish tizimi haqida tushuncha va uning ishlatilishi.

Har qanday texnologik jarayon fizikaviy kattaliklar, yani jarayon ko‘rsatkichlari bilan xarakterlanadi. Bu ko‘rsatkichlar jarayonning to‘g‘ri borishi uchun yoki o‘zgartirmasdan saqlashni taminlash uchun xizmat qiladi. Biron bir ob’ektdagi jarayon ko‘rsatkichlarini berilgan miqdorda ushlab turish yoki talab etilgan yo‘nalishda o‘zgartirish, ya’ni boshqarish uchun zarur bo‘lgan operatsiyalar majmuasi boshqarish deb, jarayon ko‘rsatkichlarining o‘zi esa rostlanuvchi miqdorlar deb ataladi.

Boshqarish - boshqariladigan parametrni berlgan algoritm funksiyasi asosida ushlab turish, yo‘naltirish demakdir.

Algoritm - berilgan miqdor va izlanayotgan natijani olish uchun zarur bo‘lgan qonunlar, energiyalar majmuasi, ketma-ketli-gidan iboratdir.