Mavzu: Byudjet hisobi va nazoratida moliyaviy aktivlar hisobi

1.2. Budjet tashkilotlarida moliyaviy aktivlar hisobini tashkil qilishnini

me’yoriy xuquqiy asoslari

Xozirda byudjet tashkilotlarida moliyaviy aktivlar hisobini tashkil qilish bo’yicha barcha uslubiy asoslar yaratilgan. O’zbekiston Respublikasi Vazirlar Mahkamasining 1999 yil 3 sentyabrdagi 414-sonli “Budjet tashkilotlarini mablag’ bilan ta’minlash tartibini takomillashtirish to’g’risida”gi qaroriga muvofiq byudjet tashkilotlarida byujetdan moliyalashtiriladigan pul mablag’lari shuningdek byudjetdan tashqari pul mablag’larini shakllantirish tartibi belgilangan. 1996 yil 30 avgustda qabul qilingan O’zbekiston Respublikasining “Buxgalteriya hisobi to’g’risida”gi qonuniga muvofiq moliyaviy aktivlar buxgalteriya hisobining ob’yektlaridan biri hisoblanadi. Amaldagi buxgalteriya hisobi bo’yicha qonunchilikka muvofiq O’zbekiston Respublikasi davlat budjetida turadigan tashkilotlarning buxgalteriya hisobi va hisobotlarini tartibga solish shu jumladan moliyaviy aktivlar O’zbekiston Respublikasi Moliya vazirligi tomonidan amalga oshiriladi. Bunda, O’zbekiston Respublikasining vazirlik va idoralari zarur hollarda, O’zbekiston Respublikasi Moliya vazirligi bilan kelishgan holda, o’z tizimidagi tashkilotlarda faoliyat hususiyatlaridan kelib chiqqan holda buxgalteriya hisobi va hisobotlarining umumiy qoidalarini qo’llash tartibi to’g’risida belgilangan tartibda me’yoriy hujjatlar chiqarishlari mumkin.

Budjet tashkilotlarida buxgalteriya hisobida moliyaviy aktivlar hisobini yuritish va moliyaviy hisobotlarni tuzish “Buxgalteriya hisobi to’g’risida”gi O’zbekiston Respublikasining qonuni va boshqa bir qator qonunlar, O’zbekiston Respublikasi Hukumati hamda Moliya vazirligining bir qancha me’yoriyhuquqiy hujjatlariga muvofiq olib boriladi. Shuningdek, moliyaviy aktivlar hisobini tartibga solishda 2014 yil 26 dekabrda qabul qilingan O’zbekiston Respublikasining “Budjet Kodeksi” hamda bu xujjatlari asosida ishlab chiqilgan

me’yoriy xujjatlarga asosan amalga oshiriladi (1.2.1-jadval).