Mavzu: Bugun kimga yordam qildim ?

Mavzu: Bugun kimga yordam qildim ?

,, Eng samarali o‘tgan kuning-birovga yordam qo‘lini cho‘zgan kuning ”- degan ekan ajdodlarimiz.Darhaqiqat,shu kun birovga zarracha foydang tegsa,kimningdir og‘irni yengil qila olsang, ham o‘zing yengil tortasan,kayfiyating a’lo bo‘ladi va yordaming teggan odam ham sendan minnatdor bo‘ladi.

Shu o‘rinda Payg‘ambarimiz ta’kidlab o‘tgan quyidagi hikmati beixtiyor yodimga tushadi,ya’ni ,, avval onangga yaxshilik qil, yana onangga va yana onangga,uch marotaba ta’kidlagandan so’ng otangga va qavm-u qarindoshlaringga yaxshilik qil ”,-degan ekan.
Men va boshqa yoshlar ham ajdodlarimizning o’tmishini,o’git-u nasihatlarini chuqur anglagan holda yashamog’imiz,kelajak avlodga yetkazishimiz,yaxshilik qilmoq savobli ish ekanini kichik ukajonlarimizga o’rgatishda kattalarga yordamchi bo’lmog’imiz darkor.
Uyda paytlarimda o’qishdan bo’sh vaqtim topilsa ota-onamga yordam berardim.Ota-onaning ko’nglini olish,qo’l qanot bo’lish biz farzandlarning burchimiz va eng savobli vazifalardan biridir deb o’ylayman.
Hozir esa birga o’qiyotgan kursdosh do’stlarimga,kichik bo’lsa ham yordamimni berib kelyapman.
Nafaqat kursdosh do’stlarimga,balki ko’chada duch kelsam yo’ldan o’ta olmay turgan onalar,bolajonlarga ham yordam berib turaman.
Kayfiyati tushkun do’stingni kuzatib,uning ko’nglini ko’tarish ham bir-yaxshilik.Qiynalib turgan odamga jilmayib tabassum qilish ham bir-yaxshilik,uzoq navbatda turgan qariyalarga o’z navbatingni berish ham bu yaxshiliklarning bir turidir.
Yaxshilik qilmoqning teg zaminida nimalar yotadi ?.Ya’ni keng ma’noda tushunsak uning ko’lami kengdir,mehr-oqibat,o’z vaqtida qilingan yordam,e’tibor bularning barchasi yaxshilikning asosiy poydevorlari sanaladi.
Yordam qilish,nafaqat yon-atrofdagi insonlarga,balki hayvonot va o’simlik dunyosiga ham e’tiborli bo’lib,ularga o’z vaqtida yordam berish zarur.Zero biz ham ana shu tabiatning bir bo’lagimiz.
Inson yaralibdiki,bir-birovga yordam berish orqali ishlari rivoj topadi,yuksaladi.Shunday ekan bir-birimizdan yordamimizni ayamaslik kerak deb qolaman.