Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Loyihalarni ishlab chiqish va himoyalash. Ta'minotchilarni buyumlar konstruktsiyasini qayta ko'rishda qatnashish, yangi mahsulotlarni yaratish loyihalari ustida ishlashga qiziqtiruvchi buyurtmachilar katta mablag'larni tejaydilar. Bu ko'plab texnik shartnomalarning natijasi hisoblanib, bu jarayonda ko'p g'oyalar ko'rib chiqiladi va tahlil qilinadi. Bunday shartnomalarda ta'minotchi katta harajatlarni talab qiladigan mahsulotni yetkazib berishning yangi texnologiyasini yaratishiga to'g'ri keladi. Bunday holatlarda bu texnologiyani ishlab chiqish uchun alohida shartnoma tuzish maqsadga muvofiq.
Ta'minotchilarning yangi mahsulotlarni ishlab chiqarishda qatnashishga intilishi, bunga mablag' kiritmasdan uzoq muddatli shartnomalarga umid qilish hollarini ta'kidlash lozim. Biroq shu kabi siyosat adolatsiz hisoblanadi va barbod bo'ladi.
Axborotning xavfsizligini ta'minlash ta'minotchini shartnoma asosida yangi mahsulotni yaratishga o'z vaqtida jalb qilishning zarurligini o'zida namoyon qiladi. Loyiha ustida hamkorlikdagi ishlashdan avval axborotning tarqatilmasligi haqida bayonnomalar rasmiylashtirilishi lozim. Buyurtmachi shunga o'xshash ta'minotchining qiziqishlarini himoyalovchi bayonnomalarni tuzishi kerak.
Loyiha natijalari uchun buyurtmachining huquqi shartnomada mustahkamlanadi. Bu shartnomada loyihaning muvaffaqiyatli tugashi va hatto tajribaviy ishlanma uchun mahsulot ishlab chiqarish yuzasidan ta'minotchi bilan uzoq muddatli shartnoma imzolanish kafolatlanmasligi lozim.
Boshqa ta'minotchilarning raqobatini hisobga olgan holda buyurtmachida ishlab chiqarish shartnomasini imzolash haqida taklif berish huquqi qoladi. Ta'minotchida loyihani chuqurroq bilish va buyurtmachining mas'ul xodimi bilan mustahkam hamkorlik qilish saqlanadi.
2.Ta'minotchilarni o'qitish va rag'batlantirish.
Ta'minotchilar uchun seminarlar. Talablar ishlab chiqarish jarayoni bilan ta'minlanadigan, qiyinchilik bilan nazorat qilinadigan xossalar va sifatlarga tegishli bo'lib, yetkazib berish muddati kelishilgan detallar qiymati, butlash, yuzaga keladigan muammolarni hal qilish usullarini o'z ichiga oladi.
Ta'minotchilar uchun seminarlar texnik shartlarda keltirilgan hamma texnik hujjatlar va shartnoma majburiyatlari, yetkazib berish uchun buyurtmalarda belgilangan talablarga qo'shimcha tarzda axborotning taqdim qilinishini ta'minlaydi. Bu hujjatlarning ahamiyati katta, lekin ular hozirgi vaqtda yetarlimas. Ta'minotchilar uchun seminarlarni o'tkazish doimiy asosda buyurtmachi va ta'minotchi vakillarining uchraShuvlarini tashkil qilishga imkon beradi. Turli ta'minotchilar ishtirokida seminarlarni o'tkazish ham maqsadga muvofiq. Turli ta'minotchilarda yuzaga keladigan va muhokama qilinadigan savollar va muammolar jamoaning ishtirokida yanada samaraliroq ko'rib chiqiladi.