Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Targ'ibot ishi muntazam o'tkazilishi va faoliyatni yaxshilash jarayoni ta'sirida jonlanib borishi kerak. Sifat sohasida bilim berish va targ'ib qilish rahbariyatning doimiy majburiyati sanalib, xodimlarning sifat masalalariga mas'uliyat bilan yondashishini tarbiyalash uchun zarur.
Sifat sohasidagi siyosat sifatni oshirish haqida bilim berish va targ'ib qilish dasturining asosi hisoblanadi. Bu dastur barcha ishchilarni korxonaning sifat sohasidagi siyosati va xatosiz ishlash uchun qabul qilingan yangi standartlar bilan tanishtiradi.
Rahbarlarda sifatga mas'ullik munosabatini shakllantirish. Bilim berish va targ'ibot dasturining keyingi bosqichi rahbariyatda sifatga munosabatni qaror toptirish hisoblanadi. Har bir rahbar faoliyatni yaxshilashning zaruratini anglashi va boshqalarga tashviq qilishi zarur.
Korxonaning qanday ishlayotgani va uning raqobatchilarga nisbatan olib borayotgan siyosati haqida yuqori rahbariyat qolgan rahbarlarni xabardor qilishi zarur. Shunda rahbarlar har bir ishchi mehnatining sifatini oshirish zarurligini tushunadilar. Natijada boshqaruv apparatining ishchilar bilan uzluksiz axborot almashinuvi ro'y beradi.
Korxona ishchisi hamkor sifatida. Korxonada ikki hamkor mavjud - ega va ishchi. Rahbarlar o'zlarining hamkorlarini firma ishiga bir xilda jalb qilishga mas'ul. Kamida har kvartalda kompaniya prezidenti ishchilarga ish faoliyatining asosiy ko'rsatkichlari va qo'lga kiritilgan natijalar haqida hisobot berishi kerak. Bunday yig'ilishda sifat va takomillashtirish masalalariga e'tiborni qaratish, ishchilar va xodimlar guruhining alohida xizmatlarini rag'batlantirish darkor.
Ishchilarda sifat uchun mas'ullik hissini tarkib toptirish. Faoliyatni yaxshilash jarayoniga barcha xodimlarni jalb qilish maqsadida korxonaning haftalik gazetasi, ma'lumotli plakatlarni qo'llash va ularda faoliyatni yaxshilash va sifatni oshirishga urg'u berish tavsiya etiladi. Ishchilarga faoliyatni yaxshilash jarayonining rivojlanishini oshkora namoyish qilinishi rahbariyatning bu jarayonga jiddiy munosabatda ekanini tasdiqlaydi.