Mavzu: Boshqaruv hisobini isloh qilishni nazariy va amaliy jihatlari

Boshqaruv hisobining asosiy vazifalari

1.	Ishlab chiqarish va xo‘jalik yurituvchi subyekt faoliyatini operativ boshqarish uchun zarur va foydali ma’lumotlar bilan rahbarlarni ta’minlash.
2.	Xo‘jalik yurituvchi subyekt kelajagi va ishlab chiqarishni rivojlantirish bo‘yicha perspektiv qarorlar qabul qilish uchun ma’lumotlar tizimini shakllantirish va rahbarlarni shu ma’lumotlar bilan ta’minlash.
3.	Ishlab chiqarilayotgan mahsulot (bajarilgan ishlar va ko‘rsatilgan xizmatlar) tannarxini hisoblash, belgilangan me’yor, reja, mezon va smetalardan chetlanishini aniqlash, ko‘rsatib berish.
4.	Xo‘jalik yurituvchi subyektning moliyaviy-xo‘jalik faoliyatini, moliyaviy quyilmalarni, yangi texnologiyalarni joriy qilishni rejalashtiradi, rejaning bajarilishini nazorat qiladi.
5.	Shu kabilar.

Boshqaruv hisobi mohiyatini to‘g‘ri tushunish yana bir muhim xulosani chiqarishga asos bo‘ladi. Aniqrog‘i, boshqaruv funksiyalari bilan boshqaruv hisobi bajaradigan funksiyalar o‘zaro bir-biri bilan uzviy bog‘liqdir.

Boshqaruv hisobining funksiyasini belgilashda bir qator rivojlangan bozor munosabatlariga ega mamlakat, shuningdek rossiyalik olimlar quyidagi qarashlarni alohida ta’kidlaydilar:

1. 
   Boshqaruv hisobi boshqaruvning turli bo‘g‘inlarini ma’lumotlar bilan ta’minlaydi; operativ nazorat funksiyasi hamda istiqbolli rejalashtirish funksiyasini bajaradi.
   
2. 
   Boshqaruv hisobi boshqaruv qarorlarini qabul qilish uchun ma’lumotlar tayyorlaydi; turli xil boshqaruv bo‘g‘inlari uchun tahliliy hisobotlarni tuzadi; rahbarlarni chetlanishlarni boshqarishga yo‘naltiradi.
   

Boshqaruv hisobi biznesni tizimli boshqarish uchun boshqaruvning turli bo‘g‘inlarini relevant ma’lumotlar bilan ta’minlaydi; xo‘jalik yurituvchi subyektning turli bo‘g‘inlarini boshqarish uchun zaruriy ma’lumotlarni shakllantiradi.