Mavzu. Boshlang‘ich ta’lim pedagogikasida ta’lim qonuniyatlari, qoida va pirinsiplari. Boshlang‘ich ta’lim metodlari va vositalari reja

Ta’limda bilim ko’nikma va malakalarni puxta va mustahkam o’zlashtirish tamoyili muhim didaktik talab va qoidalarni, ya’ni o’quvchilar tomonidan tizimli va ongli o’zlashtirilgan ilmiy bilimlarni mustahkam, esda saqlab qolish hamda o’zlashtirilgan ilmiy bilimlarni o’z turmush faoliyatlarida qullay olish malakalari bilan qurollantirishni nazarda tutadi.
Ta’limning chuqurligi va mustahkamligi talabi didaktikada an’anaviy hisoblanadi va u yuzakilikka qarama-qarshi qo’yiladi. Chuqur, mustahkam bilimning asosiy belgisi eng fundamental g’oyalar, qoidalar, tushuncha, kategoriyalarni tushunish, chuqur o’zlashtirish, o’rganilayotgan materiallar mazmunini puxta anglashdan iborat.
Ta’limning tushunarliligi tamoyili o’quvchilarning mavjud imkoniyatlarini hisobga olish, jismoniy va psixik sog’lig’iga yomon ta’sir etuvchi intellektual va emotsional qiyinchiliklardan voz kechishni talab etadi. Ta’limning tushunarli bo’lishi o’quvchilarning yoshi, bilish imkoniyatlarini hisobga olib o’qishning mazmunini to’g’ri aniqlash demakdir, ya’ni, har bir o’quv fani bo’yicha o’quvchilar egallab olishi zarur bo’lgan bilim, amaliy ko’nikma va malakalari hajmini to’g’ri aniqlashdir. Bu tamoyil o’quv jarayonini o’quvchilarda qiyinchiliklarni engish istagini hosil qiluvchi va shaxsiy muvaffaqiyatlarining natijalaridan quvonish tuyg’usini yuzaga keltirishga yo’naltirilganligini ifodalaydi. Bu bolalarda ko’zga tashlanuvchi qattiq hayajonlanish, shuningdek, o’quv masalalarini echishdagi ishonchsizlikni yo’qotishga yordam beradi.


MAVZU BO’YICHA O’Z – O’ZINI TEKSHIRISHGA OID SAVOLLAR:
1. Ta’lim metodlari nimalarni anglatadi va uning ta’lim jarayonidagi o’rni qanday?
2. Zamonaviy didaktika va xususiy metodikalar orasidagi umumiylik va xususiylik qanday baholanadi?
3. Ta’lim metodlari va vositalari o’rtasidagi uyg’unlik nimalardan namoyon bo’ladi?
4. SHarq mutafakkirlarining fikrlari ta’lim metodlarini shakllantirishda qanday ahamiyat kasb etadi?
5. Ta’lim metodlarini joriy etishda ta’lim oluvchilar yosh xususiyatlari qanday hisobga olinadi?
6. Ta’lim metodlarini faolllashtirishda asosan qanday jarayonlarga e’tibor beriladi?
7. Mustaqil ish, mustaqil ta’lim va masofaviy ta’limlardagi alohidalik va umumiylik qanday aniqlanadi;
8. Faol ta’lim deb qanday ta’lim jarayoniga aytiladi;