Мавзу: Бошқарув тизимида зиддият ва уларни бартараф қилиш усуллари

Ички шахсий низо бир кишининг ўзига 
бир-бирига зид топшириқлар берилиб, 
рахбарнинг пировард талаби бир-бирига 
мос келмай, бажарувчи бундай холда 
нима килишини билмай хуноб бўлган 
холларда вужудга келади.

---


Шахслар ўртасидаги низо кўп холларда уларнинг у ёки бу 
масалага бўлган нуқтаи назарининг мос тушмаслиги, 
раҳбарлар ўртасида ресурсларни тақсимлаш, ходимлар 
билан рахбар ўртасида иш шароитини қониқарсизлиги 
кабилар юзасидан вужудга келиши мумкин.

Очиқ низолар одатда қарама-қарши томонларнинг куз 
олдида, тўғридан-тўғри вужудга келади. Улар тўқнашиш 
содир бўлгунга қадар тўлиқ етилган бўлади. (Бундай 
низолар раҳбарият назорати остида турганлинги сабабли 
ташкилот учун унчалик хавф туғдирмайди ва уларни 
бошқариш осон кечади.

---


Ёпиқ низолар ўта хавфлидир. Бундай низоларни аста-
секин, белгиланган фурсатда портлайдиган минага ухшатса 
булади. Агар низо хали «етилмаган» ёки уларни одамлар 
нигохидан яширилса, бошкача қилиб айтганда низо 
кишилар «ичида» булса, билингки, бу нихоят хавфли ва 
уни бошкариш жуда қийин.

Объектив низоларга ташкилотнинг ривожланиш 
жараёнида юзага чиқадиган реал камчиликлар ва 
муаммолар билан боғлиқ низолар киради. Бу низолар 
амалий низолар бўлиб ишлаб чиқаришни ривожлантириш, 
рахбарлик услубини такомилаштириш, ташкилотда нормал 
«рухий иқлим» ни яратиш учун хизмат қилади. 

---


Субъектив низоларга кишиларнинг у ёки бу воқеликка 
бўлган шахсий фикрларининг турличалиги окибатида 
вужудга келадиган низолар киради. Бу низолар табиати 
бўйича хис-туйғуга, хиссиётга берилиш, қизиққонлик 
оқибатида юзага чиқади. 
