Мавзу: “Бошқарув қарорларини тайёрлашни оптималлаштириш

1. Таъсир кўрсатиш даври билан - стратегик ва тактик турларга бўлинади. Стратегик қарорлар олий муаммоларни ҳал этишда мақсадли дастурларни ишлаб чиқишда ишлатилади. Улар узоқ вақтга одатда бир неча йилга хисобланади ва стратегик масалаларни ҳал этилишида ишлатилади, шунинг учун уни истиқбол режаси деб атайдилар.
Тактик қарорлар жорий мақсад ва масалаларни амалга ошириш билан боғлиқ, бу каби қарори мисол тариқасида корхонани жорий режалаштириши, кадрларга тегишли масалаларни ечиш ва бошқаларни кўрсатиш мумкин. Улар олий ва ўрта савиядаги раҳбарлар томонидан бир йилдан икки йилгача бўлган даврга қабул қилинади.
2. Маъноси ва таъсир қилиш тавсифи билан, ижтимоий-иқтисодий, техник, ижодий ва бошқалар.
Ижтимоий-иқтисодий - бу меҳнат жамоаларида жамоа аъзоларини ижодий фаоллигини оширишга, фаолиятни самарадорлигини оширишга йўналтириган.
Техник қарорлар ишлаб чиқаришда техникага оид сиёсатни тараққиёт топтириш учун йўналтириган.
3. Меҳнат хажмининг кўлами ва даражасига қараб мураккаб ва оддий қарорлар.
Мураккаб қарорлар - бу маҳсус билим ва катта тайёргарлик ишлари талаб қилувчи қарорлардир.
Оддий қарорлар - катта тажриба ва маҳсус билим талаб қилмайдиган ва улар учун жавоб ҳамма вақт тайёр бўлмоғи керак.
4. Такрорланиши ва янгилик даражаси бўйича - оддий ва ижодий қарорлар.
Оддий - бу қарорлар оддий, анъанавий вазиятларда қабул қилинадилар. Уларни таъсири олдиндан маълум бўлади. Масалан, корхонада ишлаб чиқариш дастурини тузиш.
Ижодий - бу биринчи марта пайдо бўлаётган, аниқ тахлил талаб қилувчи ишни маҳсус ўрганилишини талаб қилувчи қарорлардир. Масалан, корхонанинг баъзи бир тармоқлари учун солиқ сиёсатини ишлаб чиқиш.
5. Бошқарув субъектида бор бўлган ахборотни тўлалик даражасига қараб - аниқлик, таваккалчилик, ноаниқлик шароитида қабул қилиниши мумкин бўлган қарорлар.
6. Муҳимлиги бўйича - бир лахзали ва кечиктирилган қарорлар. Бир лахзали қарорлар раҳбарда берилган вазиятни ўйлаб кўришга, фикрлашга вақт йўқлигида қабул қилинади. Кечиктирилган қарорлар эса ўз вақтида қабул қилинмаган қарорлардир.