Mavzu: Bolalar va o’smirlar sporti asoslari

Mavzu: Bolalar va o’smirlar sporti asoslari fanining predmeti. Maqsad va vazifalari. Bolalar va o’smirlar sporti asoslari fan sifatida shakllanishi
Reja

1. 
   Mamlakatimizda bolalar va o’smirlar sporti rivojlanishiga qaratilayotgan e’tibor
   
2. 
   Bolalar va o’smirlar sporti asoslari fanining maqsad va vazifalari
   
3. 
   Bolalar va o’smirlar sporti asoslari fanining asosiy tushunchalari
   
4. 
   Bolalar va o’smirlar sporti asoslari fan sifatida shakllanishi
   

O’zbekiston Respublikasi mustaqillikka erishishi bilanoq, bugungi kunda olib borilayotgan chuqur islohatlar yosh avlodni har tomonlama aqliy, axloqiy va jismoniy jihatdan rivojlanishida jismoniy tarbiya va sport asosiy o’rinni egallaydi. Mamlakatimizda yosh avlodni sog’lom ruhda tarbiyalash borasida bir qancha ishlar amalga oshirilmoqda. Respublikamizning birinchi prezidenti I.A.Karimov takidlaganidek “Kelajak avlod haqida qayg’urish sog’lom, barkamol naslni tarbiyalab etishtirishga intilish bizning milliy xususiyatimizdir”.

Xukumatimiz tomonidan qabul qilingan «Jismoniy tarbiya va sportni rivojlantirish to’g’risida»gi Qarori «Sog’lom avlod uchun» davlat dasturi, «O’zbekistonda bolalar sportini rivojlantirish jamg’armasini tuzish to’g’risida»gi Farmoni va boshqa bir qator qarorlari sport harakatini rivojlantirishga keng yo’l ochmoqda.

2017 yil 3 iyundagi PQ 3031-sonli “Jismoniy tarbiya va ommaviy sportni yanada rivojlantirish chora-tadbirlari to’g’risida”gi qarori asosida 2017-2021 yillarda O’zbekiston Respublikasida jismoniy tarbiya va ommaviy sportni yanada rivojlantirish dasturida berilgan topshiriqlardan kelib chiqgan holda respublikamizda bolalar sportini dolzarb masalalarini hal qilish uchun aniq vazifalar belgilab berilgan. Darxaqiqat, Respublikamiz miqiyosida sportni rivojlantirish dasturi asosida uch bosqichli: oliy o’quv yurtlari talabalari o’rtasida “Universiada”, kasb-hunar kollejlari talabalari o’rtasida “Barkamol avlod” va maktab o’quvchilari o’rtasida “Umid nihollari” sport musobaqalari o’tkazib kelinmoqda.

Bolalar va o’smirlar uchun jismoniy tarbiya va sportning tarbiyaviy ahamiyati to’g’risida ulug’ allomalarimizning qoldirgan noyob asarlari va ularning o’gitlariga bog’liq bo’lib, ularning jismoniy tarbiya va sportga qo’shgan ulkan xizmatlarini o’rganish va uni amalga tadbiq etish bugungi kunning, ayniqsa jismoniy tarbiya fanining dolzarb vazifasi hisoblanadi.

Jismoniy tarbiya va sport turlari tarixini o’rgangan (A.Istomin, F.A. Kerimov, K.Yusupov, A.Atoev) olimlar turli davrlarda jismoniy tarbiya mashg’ulotlari qanday yo’lga qo’yilganligi haqida ham o’zlarining fikrlarini bildirgan.

P.F.Lesgaft, V.V.Gorinevskiy, A.D.Novikov, L.P.Matveev, A.Istomin, F.Kerimov, T.Usmonxajaev, K.Yusupov, A.K.Ataev, A.Abdullaev, K.Yarashev kabi olimlar jismoniy tarbiya nazariyasi va metodikasi muammolarini ilmiy asoslashga o’zlarining chuqur xissalarini qo’shganlar. Shu jumladan yoshlar sporti nazariyasini asoslab bergan olimlardan F.Kerimov, A.Atoev, R.Salomov, R.Istominlar yoshlarni jismoniy tarbiyalashdagi ro’lini ochib berishda chuqur ilmiy izlanishlar olib borganlar. Qator olimlarning (V.A.Ashmarin^. Ch.T.Ivankov, R.S.Ueynberg va boshqalar) ishlarida jismoniy tarbiya mashg’ulotlarining ma’naviy-ma’rifiy va psixologik jihatlari tadqiq etilgan. Aksariyat ko’pchilik tadqiqotlarda jismoniy tarbiya mashg’ulotlari pedagogikadan ajratib o’rganiladi.

Shuni ta’kidlash kerakki, yuqoridagi olimlar tomonidan bolalar va o’smirlarni sport turlariga o’rgatish jarayonida umumiy va maxsus jismoniy taryorgarlikni o’rni, to’liq ilmiy masala sifatida yoritilmagan. Ilmiy tadqiqotlar, berilgan adabiyotlar va maktablarda jismoniy tarbiya darslarini o’rganish xozirgi kunning dolzarb masalalaridan biri hisoblanmoqda.

Ommaviy sport harakatini rivojlantirish bilan bir qatorda, hozirgi kunda respublikada faoliyat ko’rsatuvchi sport turlari bo’yicha yetishib chiqayotgan va mamlakat bolalar va o’smirlar jamoalarida faoliyat ko’rsatayotgan iqtidorli yosh sportchilardan Olimpiya va Osiyo o’yinlari hamda jahon chempionati birinchilik musobaqalarida yuqori natijalarni ko’rsata oladigan mahoratli bolalar va o’smirlarning sport bilan shug’ullanishlari uchun shart-sharoitlarni yaratish, ularning sport mahorati ko’rsatkichlarini jahon talablari darajasiga ko’tarish borasida tayyorlashga uzviy bog’liq bo’lgan yuqori malakali sport mutaxassislari bilan ta’minlashga alohida ahamiyat berilmoqda.