Mavzu. Biznesni tashkillashtirish. Biznes

Savdo muvozanati. 
Mamlakatning umumiy eksport va importlari o’rtasidagi farq savdo muvozanati deyiladi. Agar 
importga nisbatan eksport ko’proq bo’lsa, bu savdo ortiqchaligi hisoblanadi.Bu savdo-sotiq 
vaziyati ijobiy hisoblanadi. Agar eksportga qaraganda import ko’proqni tashkil etsa, savdo 
yetishmovchiligi hosil bo’ladi va bu savdo vaziyati salbiy hisoblanadi. Davlatda bir mamlakat 
bilan savdo ortiqchaligi bo’lsa, boshqasi bilan savdo yetishmovchiligi paydo bo’lishi 
mumkin.Shuning uchun ham mamlakatlar o’z xalqaro savdo muvozanatini muvozanatda 
ushlashga harakat qilishadi. 
To’lovlar muvozanati. 
Mahsulot va xizmatlar eksport va importga asosan ayirboshlashning boshqa ko’rinishlari turli 
millatlar o’rtasida amalga oshirilishi mumkin. Pul investitsiya va turism orqali bir mamlakatdan 
boshqasiga o’tadi. Bir mamlakat fuqarosi korporatsiya orqali boshqa mamlakatga investitsiya 
kiritishi mumkin.Biznes boshqa bir mamlakatdagi firmaga investitsiya kirita oladi.Bir hukumat 
boshqasiga moliyaviy yoki harbiy ko’mak berishi mumkin. Banklar xorijiy banklarga deposit 
mablag’larini qo’yish imkoniyatiga ega. Turistlar sayohat qilayotganlarida o’zining davlatidan 
dam olayotgan davlatiga pul mablag’larini olib kirishadi.Ba’zi davlatlarda sayohat qilmoqchi 
bo’lganlar davlatdan ma’lum bir miqdordan ko’p bo’lmagan holatda pul olib chiqib ketishlari 
mumkin. Davlatga kirib kelayotgan va chiqib ketayotgan pul miqdorlari orasidagi farq to’lovlar 
muvozanati hisoblanadi. Qachonki davlat to’laganidan ko’proq pul qabul qilib olsa, bu ijobiy 
to’lov muvozanatidir.Aks holda esa salbiy to’lov muvozanat holati yuzaga keladi. 
Xalqaro valyuta. 
Xalqaro biznesda yuzaga keladigan yagona muammo dunyo bo’ylab foydalaniladigan turli valyuta 
kurslaridir. Har millatning o’z bank tizimi va pul birligi mavjud. Misol uchun, Rossiya rubl, 
Yevropa ittifoqi yevro, Braziliya real, Hindiston rupiya va Saudiya Arabistoni riyaldan 
foydalanadi.