Мавзу: Бачадон буйини ва танасининг рак олди ва фон касалликлари. Ташхислаш. Текшириш. Дифференциал диагностика ва уаш тактикаси

Ташхислаш мақсадида бачадон танаси шиллиқ қаватини диагностик қириш ва материални гистологик текшириш кенг қўлланилади. Эндометрийни қириш кутилаётган ҳайз арафасида ёки қонли ажралмалар келиши бошланиши билан бажарилиши зарур. Давони назорат қилиш, шунингдек аёлни скрининг текшириш (диспансеризация) тартибида аспирация йўли билан олинган бачадон ичи сақланмасини цитологик усул текшируви қўлланилади. Аспирация ҳайз циклининг 2-ярмида асептика қоидаларига риоя қилган ҳолда амалга оширилади.
Гиперпластик жараёнларни айниқса профилактик кўрикларда (диспансеризация) топишга, эхосигналлар хусусиятига қараб эндометрий гиперплазиясини аниқлаш имконини берадиган УТТ қўл келади.
Гистероскопиянинг диагностик аҳамияти юқори. Усул гиперплазияни қалинлашган, ним пушти ёки қизил рангли эндометрий юзаси нотекис бурмали кўринишда аниқлаш имконини беради.
Эндометрийда гиперпластик жараёнларни даволашда кўпгина омиллар ҳисобга олинади, яъни беморни ёши, гиперплазия сабаби ва ушбу патологияни хусусияти, клиник кўринишлари, у ёки бу даволаш усулларига қарши кўрсаткичлар, даво препаратларини кўтара олиши, ёндош экстрагенитал ва гинекологик касалликлар.
Даволаш. Репродуктив ёшдаги аёлларда эндометрия гиперплазиясини гормонал даволаш эстроген-гестаген препаратларни қўллаб олиб борилади (регивидон, регулон, марвелон, новинет ва бошқалар) ёки гестагенлар (норколут, дюфастон, 17-ОПК ва бошқалар). Гормонал даво давомийлиги гиперпластик жараённи хусусиятини ҳисобга олиб белгиланади. Без-кистоз гиперплазиясида эстроген-гестаген препаратлар циклик режимда (циклни 5-кунидан, 25- кунигача) 3-4 ой давомида, рецидивловчи гиперплазияда 6-8 ой ( шу режимда).
Пре и перименопаузал ёшдаги аёлларга гестагенлардан норколут ҳайз циклининг 5-10мг 5-кундан 25-кунигача ёки 16-кундан 25-кунигача. 17-ОПК - 250 мг ҳайз циклининг 14- ёки 21-ёки ҳафтада 2 марта.
Ҳайз циклни сусайтириш учун Сустанон - 250; Омиадрен-250;
Рецидивланувчи без-кистоз гиперплазияларда жарроҳлик усуллари афзалроқ, эндометрий рак олди ҳолатида (аденоматоз, аденоматоз полиплар), айниқса эндометрийнинг аденомиоз ва бачадон миомаси, тухумдонлардаги патологик жараёнларда.
Кейинги йилларда эндометриядаги гиперпластик жараёнларни олдини олиш ва даволаш учун гистерорезектоскоп ёрдамида абляция усули муваққиятли қўлланилмоқда.