Mavzu: Avtotransport yig’imlari. Reja

Avtomobillarga uch foizlik yig‘im

Ijtimoiy tarmoqlarda mazkur jarayonni noto‘g‘ri talqin qilinish holatlari uchramoqda.

Foto: Dinora Ziyayeva / Spot

Ijtimoiy tarmoqlarda Prezidentning “O‘zbekiston Respublikasi avtomobil sanoatini jadal rivojlantirishga oid qo‘shimcha chora-tadbirlar to‘g‘risida"gi qarorida ko‘rsatilgan ayrim talablar noto‘g‘ri talqin qilinish holatlari uchramoqda. Bu haqda Adliya vazirligi ma’lum qildi.

Jumladan, O‘zbekistonda ishlab chiqarilgan yangi avtotransport vositalarini sotib olganlik uchun 3%dan iborat bo‘lgan yig‘im avtotransport vositalarini sotib oluvchilar tomonidan avtomobil xarid qilayotgan chog‘ida avtomobil narxi bilan birga amalga oshirishi lozimligi ta’kidlanmoqda.

Buning uchun joriy yilning 1 oktyabriga qadar dilerlik korxonasi bilan oldi-sotdi shartnomasini imzolagan, ammo xali avtomobilini olmagan xaridorlar bilan qo‘shimcha kelishuv imzolanishi hamda xaridor tomonidan mazkur to‘lov avtomobilni qabul qilib olish chog‘ida dilerlik korxonasiga to‘lanishi kerak haqidagi xabarlar tarqatilmoqda.

1 oktyabrdan yangi avtotransport vositalarini sotib olganlik uchun yig‘im avtotransport vositalari ishlab chiqaruvchilari tomonidan to‘lanishi belgilangan.

“Avval avtomobil xarid qilayotgan avtomobil egasi ushbu avtotransport vositasini ichki ishlar organlarida ro‘yxatdan o‘tkazayotganida 3%lik yig‘imni to‘lab kelgan bo‘lsa, endilikda joriy yil 1 oktyabrdan boshlab mamlakatimizda ishlab chiqarilgan avtotransport vositasi xarid qilinganlik uchun ushbu yig‘im avtotransport vositalari ishlab chiqaruvchilari tomonidan to‘lanadigan bo‘ldi”, deyiladi xabarda.

Fuqarolik kodeksiga muvofiq qonunlarda yoki shartnomada boshqacha tartib nazarda tutilgan bo‘lmasa, shartnoma taraflarning kelishuviga muvofiq o‘zgartirilishi va bekor qilinishi mumkin. Shartnoma tuzishga majbur qilishga esa yo‘l qo‘yilmaydi.

1 oktyabrga qadar dilerlik korxonasi bilan oldi-sotdi shartnomasini imzolagan, ammo hali avtomobilini olmagan xaridorlar bilan yangi avtotransport vositalarini sotib olganlik uchun uch foizdan iborat bo‘lgan yig‘imni dilerlik korxonasiga to‘latish bo‘yicha qo‘shimcha kelishuv tuzishga bo‘lgan bir tomonlama urinish qonun hujjatlariga ziddir.

Adabiyot:

1. 
   www.wikipedia.com
   
2. 
   https://uz.wikipedia.org/wiki/Soliq
   

3. https://sof.uz/b4f

4. http://dy.uz/QbkeZ

5. 
   https://igenius.uz/uz/portfolios/inspection