Mavzu: Avtomatlashtirish sistemalarini loyihalashni avtomatlashtirish

Mavzu: Avtomatlashtirish sistemalarini loyihalashni avtomatlashtirish

MAVZU:Avtomatlashtirish sistemalarini loyihalashni avtomatlashtirish (avtomatlashtirilgan loyihalash)

Reja:

1. ALTni yaratish printsiplari.

2. ALT tarkibi va strukturasi.

3. ALT dasturaviy ta’minoti (DT).

4. ALT informatsion ta’minot.

ALTni yaratish printsiplari

ALTni yaratish printsiplari

Loyihalashni avtomatlashtirish deganda loyihani ishlab chiqish jarayonini bajarishning shunday usuli tushuniladiki, bunda loyihalash protseduralari va operatsiyalari loyihalovchining EHM bilan chambarchas muloqotida amalga oshadi. Loyihalashni avtomatlashtirish hisoblash texnikasi vositalaridan muntazam ravishda foydalanishni nazarda tutadi; bunda loyihalovchi va EHM orasidagi funksiyalarni ratsional taqsimlash va masalalarni mashinada yechish metodlarini asosli tanlash lozim.

ALTni yaratish uchun:

− matematik metodlar hamda hisoblash texnikasi vositalarini qo‘llash asosida loyihalashni takomillashtirish;

− izlash, ishlov berish va informatsiya (ma’lumot)ni chiqarish jarayonlarini avtomatlashtirish;

− optimallashtirish va ko‘p variantli loyihalash metodlaridan foydalanish;

loyihalanayotgan obektlar, buyumlar va materiallarning matematik modellarini samarali qo‘llash;

− obektlarni avtomatlashtirilgan loyihalash uchun zarur bo‘lgan, ma’lumotnoma tavsifidagi tizimlashtirilgan ma’lumotlarga ega ma’lumotlar bankini yaratish;

− loyiha hujjatlarini shakllantirish (rasmiylashtirish) sifatini oshirish;

− ijodiy bo‘lmagan ishlarni avtomatlashtirish hisobiga loyihalovchilar mehnatining ijodiy ulushini oshirish;

− loyihalash metodlarini unifikatsiyalash va standartlashtirish;

− ALT sohaqidagi mutaxassislarni tayyorlash va qayta tayyorlash;

− loyihalovchi bo‘limlarning turli darajadagi hamda vazifasi har xil bo‘lgan avtomatlashtirilgan tizimlar bilan mustahkam aloqada ishlashi zarur.