Мавзу: Ахборот ресурсларини конфиденциаллигини таъминлаш ва ҳимоялаш усуллари. Режа

Ташкилий таъминот - конфиденицал ахборот ресурсларидан фойдаланишга имкон бермайдиган ёки жиддий қийинчилик туғдирувчи ижрочиларнинг ишлаб-чиқариш ва ўзаро муносабатларини меъёрий-ҳуқуқий хужжатлар асосида регламентлашдир.
Ташкилий тадбирларга қуйидагилар киради:

• 
  хизматчи ва ишлаб чиқариш бино ва хоналарни лойиҳалашда, қуришда ва жиҳозлашда амалга ошириладиган тадбирлар. Бу тадбирларнинг асосий мақсади ҳудудга ва хоналарга яширинча кириш имконини йўқотиш; одамларнинг ва транспортнинг юриши назоратининг қулайлигини таъминлаш; фойдаланишнинг алоҳида тизимига эга бўлган ишлаб-чиқариш зоналарини яратиш ва ҳ.зо;
  
• 
  ходимларни танлашда амалга ошириладиган тадбирлар. Бу тадбирларга ходимлар билан танишиш, конфиденциал ахборот ресурслари билан ишлаш қоидаларини ўргатиш, ахборот ҳимояси қоидасини бузганлиги учун жавобгарлик даражаси ва ҳ. зо билан таништириш киради;
  
• 
  ишончли рухсатнома режимини ва ташриф буюрувчиларнинг назоратини ташкил қилиш;
  
• 
  хона ва ҳудудларни ишончли қўриқлаш;
  
• 
  хужжатлар ва конфиденциал ахборот ресурсларини элтувчиларини сақлаш ва ишлатиш, шу жумладан қайд этиш, тақдим этиш, бажариш ва қайтариш тартибларига риоя қилиш;
  
• 
  ахборот ресурслар ҳимоясини ташкил этиш, яъни муайян ишлаб чиқариш жамоаларида ахборот хавфсизлигига жавобгар шахсни тайинлаш, конфиденциал ахборот ресурслари билан ишловчи ходимлар фаолиятини мунтазам текшириб туриш.
  

Бундай тадбирлар ҳар бир муайян ташкилот учун ўзига хос хусусиятга эга бўлади.
Ахборотни хужжатлаштириш қатъий белгиланган қоидалар ёрдамида амалга оширилади. Бу қоидаларнинг асосийлари ГОСТ 6.38-90 " Ташкилий-бошқарувчи хужжатлар тизими. Хужжатларни расмийлаштиришга талаблар", ГОСТ 6.10.4-84 "Унификацияланган хужжатлар тизими. Ҳисоблаш техника воситалари орқали яратилувчи машина элтувчиларидаги ва машинограммалардаги хужжатларга ҳуқуқий куч бериш" кабилар баён этилган. Бу ГОСТларда ахборотга хужжат ҳуқуқини берувчи 31 та реквизитлар кўзда тутилган, аммо бу реквизитларнинг барчасини хужжатда мавжудлиги шарт эмас. Асосий реквизит - матн. Шу сабабли, ҳар қандай равон баён этилган матн хужжат ҳисобланади ва унга ҳуқуқий куч бериш учун сана ва имзо каби муҳим реквизитларнинг мавжудлиги кифоя.
Автоматлаштирилган ахборот тизимларидан олинган хужжатлар учун алоҳида тартиб қўлланилади. Бунда, маълум ҳолларда, масофадан олинган ахборот электрон имзо билан тасдиқланади. Ахборот ресурсларини ҳимоялаш учун барча ташкилий тадбирларни таъминловчи махсус маъмурий хизматни яратиш талаб қилинади.
Унинг шахсий таркибий тузилмаси, сони ва таркиби ташкилотнинг зарурий эхтиёжлари, ахборот ресурсларининг конфиденциаллик даражаси ва хавфсизлигининг умумий ҳолати орқали аниқланади.