Mavzu: 2-sinf Matematika darslarini koʻrgazmali materiallardan foydalanib tashkil etish metodikasi. Reja kirish i-bob. Boshlang'ich sinf o'quvchilarining matematika faniga bo'lgan qiziqishini oshirishda foydalaniladigan ko'rgazmali qurollardan foydalanish

Mavzu: 2-sinf Matematika darslarini koʻrgazmali materiallardan foydalanib tashkil etish metodikasi.
REJA
Kirish
I-Bob. Boshlang'ich sinf o'quvchilarining matematika faniga bo'lgan qiziqishini oshirishda foydalaniladigan ko'rgazmali qurollardan foydalanish metodikasi
1.1. Boshlang'ich sinf o'quvchilarining matematika faniga bo'lgan qiziqishini oshirishda ko'rgazmalilikning ahamiyati
1.2. Boshlang'ich sinf o'quvchilarining matematika faniga bo'lgan qiziqishini oshirishda foydalaniladigan ko'rgazmali qurollarning turlari va ahamiyati
II-bob. Boshlang'ich sinf o'quvchilariga matematika fanida foydalaniladigan ko'rgazmali qurollarning samaradorligini oshirish
2.1. Boshlang'ich matematik ta'limda ko'rgazmalilikning roli.
2.2. Boshlang'ich sinflarda ko'rgazmali qurollar va texnik vositalardan foydalanish orqali dars samaradorligi
Xulosa


Kirish
Mavzuning dolzarbligi.
Matematika darslarida o‘qitishning barcha asosiy prinsiplari onglilik, ko‘rgazmalilik, sistemalilik, puxtalik, o‘quvchilarning yosh xususiyatlarini hisobga olish va boshqalar o‘zaro bog’lanishda amalga oshiriladi.
Matematika o‘qitishda ko‘rgazmalilik prinspi alohida rol o‘ynaydi.
Ta’lim prinsplari – bu, o‘qitish jarayonida qo‘yiladigan talablar yig’indisidir. Bilishning birinchi pog’onasi jonli mushohada, ya’ni tevarak atrofdagi narsalar va hodisalarni idrok etishdir.
Ko‘rsatmalilik prinspi idrok etishni osonlashtirish va nazariy bilimlarni hayot, amaliyot bilan bog’lash imkonini beradi. Ibn Sinoning qayd
qilishicha, inson o‘zining o‘quv mashg’ulotlari boshlanishida narsaning tashqi xossalarini o‘rganishda uning aslini va tasvirini ko‘rib o‘zicha bevosita bilimlarni hosil qilishi mumkin. Ko‘rgazmalilikning turli xil manbalaridan foydalanish o‘quvchilarni faollashtiradi, ularning diqqatini oshiradi va rivojlantiradi, o‘quv materialini mustaxkam o‘zlashtirishni ta’minlaydi, vaqtni tejash imkonini beradi.