Mavzu: 1945 1991 yillarda xalqaro munosabatlar

Koreyani ikkiga bo’lnishi va urushning boshlanishi : IKKinchi jahon urushidan so’ng Koreyaning shimolini SSSR , janubni esa AQSh armiyasi ishg’ol etdi. Germaniya bo’linganidek , bu yerda ham bir davlat ikkiga bo’lindi va ikki hukumat tuzildi. 1949 – yilda SSSR va AQSh Koreyadan o’z armiyalarini olib chiqib ketdilar. 1950 – yilning 25 – iyunida Shimoliy Koreya armiyasi chegarani buzib o’tdi va Janubiy Koreyaga hujum qildi. AQSh ushbu masalaning BTM da muhokama etilishiga erishdi. BMT Shimoliy Koreyani aggressor deb tan oldi va unga qarshi urush harakatlari boshlashga ruxsat etdi.

Xalqaro kuchlar 15 – sentabrda Koreya yarimoroliga tashlandi va ular Shimoliy Koreya armiyasi harakatlarini to’xtatdi hamda Janubiy Koreya hududidan surib chiqardi. Oktabr oyi oxiriga kelib esa AQSh harbiy kuchlari Shimoliy Koreya poytaxti Pxenyan shahrini egalladi. Shundan so’ng Xitoy Xalq Respublikasi o’z harbiy kuchlarini Shimoliy Koreyaga yordamga yubordi. SSSR ning ham Koreya urushiga aralashishi mumkinligi aniq – ravshan bo’lib qoldi. Shundan so’nggina AQSH Shimoliy Koreyaga qarshi urush harakatlarini to’xtatishga majbur bo’ldi. 1953 – yilda yarash bitimi imzolandi. Unga ko’ra , har ikki koreys davlati chegarasi urushgacha bo’lgan holatida ( 38 – parallel kenglikda ) tiklandi. Shu tariqa Koreya yarimorolida urush to’xtadi. Biroq mamlakt ikkiga bo’linganicha qoldi. Shimoliy Koreya SSSR bilan , Janubiy Koreya esa AQSh bilan yaqin munosabat o’rnatdi.