Мавзу №1 Қон таркиби. Машғулотни сўнггида хар бир талаба билиши керак

Лейкоцитларни миқдорий аниқлаш
Лейкоцитлар Горяев камераси ва автоматик хисоблагичлар ёрдамида хисобланади.
Лейкоцитларнинг миқдорий таркиби
Норма: 4,0–9,0 х10⁹/л
Лейкоцитлар сонининг 9,0 х 10⁹/л дан ортиши лейкоцитоз, 4,0 х 10⁹/л дан камайиши эса— лейкопения дейилади. Бироқ 1 л да 3,5 х 10⁹ миқдордаги лейкоцитлар миқдори ҳам, баъзи инсонлар учун норма хисобланади.
Адабиёт маълумотларига кўра, бундай инсонларда иммун қаршилик кучли ва улар кам касалланишади.
Шуниси аниқки, айнан периферик қонида лейкоцитлар сони кам соғлом одамларда, уларнинг тўқимадаги резерв миқдори юқори. Бу феномен наслий-оилавий характер ёки парасимпатик нерв тизимининг таъсири юқори бўлиши билан тушунтирилади.
Лейкопенияфункционал ва органик бўлиши мумкин.
Функционал лейкопения қон яратиш регуляциясининг бузилиши билан боғлиқ бўлиб, қуйидаги холатларда кузатилади:

• 
  баъзи бактериал ва вирусли инфекцияларда (қорин тифи, грипп, сувчечак, қизилча, Боткина касаллиги, қизамиқ);
  
• 
  дори воситалари таъсирида (сульфаниламидлар, анальгетиклар, талвасага қарши, антитиреоид, цитостатик ва бошқа препаратлар);
  
• 
  мушаклар ишида, бегона оқсил киритилганда, нерв ва температура таъсирида, оч қолганда, гипотоник қолатларда;
  
• 
  ёлғон лейкоцитопения қон узоқ вақт хона температурасида сақланганда, лейкоцитлар агрегацияси натижасида кузатилади (4 соатдан ортиқ).
  

Органик лейкопения, суяк кўмиги аплазияси ва унинг ёғ тўқимаси билан алмашиниши натижасида, қуйидаги холатларда:

• 
  апластик анемиялар;
  
• 
  агранулоцитозда;
  
• 
  лейкознинг лейкопеник шаклида;
  
• 
  лимфогранулематознинг баъзи шаклларида;
  
• 
  ионизирловчи нурланишда;
  
• 
  гиперспленизмда (бирламчи ва икккиламчи;
  
• 
  коллагенозларда.
  

Лейкоцитоз— бу қон яратиш тизимининг экзоген ва эндоген факторларга реакцияси. Физиологик ва патологик лейкоцитоз фарқланади.
Физиологик лейкоцитоз кузатилади:

• 
  овқат хазм қилиш билан боғлиқ — асосан оқсилга бой овқат махсулотлари истеъмол қилинганда;
  
• 
  лейкоцитлар сони 10,0–12,0 х 10⁹/л дан ошмайди ва 3–4 соатдан кейин нормага қайтади;
  
• 
  эмоционал зўриқишларда (адреналин ажралиши), оғир жисмоний зўриқишда, совуқ қотишда, қўп муддат қуёшда остида бўлганда (қуёшдан куйиш), қатор гормонлар қабул қилинганда (катехоламинлар, глюкокортикостероидлар ва х.к), хомиладорликнинг иккинчи ярмида, менструация вақтида ва лейкоцитларни қонда нотекис тарқалиши билан боғлиқ.
  

Патологик лейкоцитоз абсолют ва нисбий бўлади.
Абсолют — қонда лейкоцитлар сонининг бир неча юз минггача ортиши (100,0–600,0 х 10⁹/л ва ундан юқори). Кўпроқ лейкозларда кузатилади: сурункали лейкозда — 98–100 % холларда, ўткир лейкозларда эса — 50–60 %. Суяк кўмиги пунктатида ва қонда лейкоцитар қатор нисбатининг бузилиши, лейкозларнинг асосий диагностик омили хисобланади.
Нисбий лейкоцитоз кузатилади:

• 
  ўткир яллиғланиш ва инфекцион жараёнларда, қорин тифи, грипп, сувчечак, қизилча, Боткина касаллиги, қизамиқда кузатилмайди. Энг юқори лейкоцитоз (до 70,0–80,0 х10⁹/л ) сепсисда аниқланади;
  
• 
  токсик моддалар таъсирида (хашаротлар захари, эндотоксинлар), ионизирловчи радиация (нурланган захоти);
  
• 
  кортикостероидлар, адреналин, гистамин, ацетилхолин таъсири натижасида;
  
• 
  тўқималар емирилишида (некрозда), миокард инфарктида, периферик артериялар тромбозида гангреналар ривожланиши билан, куйишларда, экссудатив плевритда, перикардитда, уремияда, буйрак комасида;
  
• 
  шикастланишлар оқибатида қон юқотилганда, ички, гинекологик ва бошқа қон кетишларда.
  

Инфекцион касалликларда лейкоцитлар сонининг ортиши, қўп холларда лейкоцитар формулани чапга силжиши билан бирга кузатилади.