Мавзу №1 Қон таркиби. Машғулотни сўнггида хар бир талаба билиши керак

Тромбоцитларни хисоблаш усуллари
Тромбоцитларни хисоблашни энг кўп тарқалган усули - Фонио усули (суртма тайёрланиб, Романовский — Гимза усулида бўялади; 1000 эритроцит саналганда учраган, тромбоцитлар миқдори хисобланади) хисобланади.
Тромбоцитларни Горяев камерасида хисоблаш усули хам мавжуд: қон 1% ли аммоний оксалат, ёки 5–7% ли трилона Б (қон ивишини ва қон пластинкалари агглютинациясини олдини олиш мақсадида) эритмаси билан аралаштирилади, камера тўлдирилади ва тромбоцитлар одатдагидек хисобланади. Тромбоцитларни люминесцент микроскоп ёрдамида хисоблаш кам қўлланилади.
Хозирги кунда тромбоцитларни электронно-автоматик хисоблагичларда санаш ишочли усул хисобланади (лабаратор тахлилларни тасдиқлаш учун, периферик қон тахлилини текшириш зарур).
Тромбоцитларнинг миқдорий таркиби
норма: 180–320 х 10⁹/л (200–400 х 10⁹/л)
Тромбоцитлар сони ортади:

• 
  миелопролифератив жараёнларда (эритремия, миелофиброз);
  
• 
  сурункали ялллиғланиш касалликлари ( бўғимларнинг ревматоид шикастланиши, ярали колит,туберкулез, остеомиелит, жигар циррози);
  
• 
  ёмон сифатли хосилалар (рак, лимфома, лимфогранулематоз);
  
• 
  қон кетиш, гемолитик анемия;
  
• 
  мегалобластик анемиялардан тузалиш даври;
  
• 
  операциялардан кейин;
  
• 
  спленэктомиядан кейинги холат;
  
• 
  кортикостероидлар билан даволанганда.
  

Тромбоцитлар сонининг камайиши (тромбоцитопения):

• 
  тромбоцитлар хосил бўлишининг камайиши билан боғлиқ, наслий тромбоцитопениялар (туғма тромбоцитопения, Уискотт — Олдрич синдроми, Бернар — Сулье синдроми, Чедиак — Хигаси аномалияси, Фанкони синдроми, ЯТЧ лар қизилчаси, гистиоцитоз);
  
• 
  қон касалликлари (апластик анемия, мегалобласт анемиялар, лейкозлар);
  
• 
  суяк кўмиги зарарланиши (саратон метастазлари, сил билан зарарланиши, ионизирловчи нурланиш);
  
• 
  бошқа касалликлар (циклик тромбоцитопения, пароксизмал кечки гемоглобинурия, гемолитико-уремик синдром, буйрак етишмовчилиги, жигар касалликлари, томирлар, талоқ ўсмалари, эклампсия, гипертиреоз, гипотиреоз);
  
• 
  инфекциялар (вирусли, бактериал, риккетсиозлара, малярия, токсоплазмоз, ОИТ-инфекция);
  
• 
  хомиладорлик, менструация;
  
• 
  дори препаратлари таъсирида (цитостатиклар, анальгетик, антигистамин воситалар, антибиотиклар, психотроп дорилар, диуретиклар, талвасага қарши препаратлар, витамин К, резерпин, дигоксин, гепарин, нитроглицерин, преднизолон, эстроген ва х.к.);
  
• 
  алкогол, оғир тузлар таъсири;
  
• 
  тромбоцитлар йўқотилиши кучайиши натижасида юзага келадиган, тромбоцитопениялар (тромбоцитопеник пурпура, гиперспленизм, ТҚТИ-синдром, қон кетишлар,гемодиализ).
  

Қон пластинкалари эритроцитлар гурухли спецификлигига мо келадиган, гурухли спецификликка эга. Буни тромбоцитар масса куйишда эътиборга олиш зарур.