Mavzu : tv senariy. Teledasturlarning asosiy ja’nrlari. Reja: zamonaviy tvda janrlar yo’nalishi. Teledasturlar scenariysi tuzilishi

Mavzu : TV senariy. Teledasturlarning asosiy ja’nrlari.

Reja:
1 ) Zamonaviy TVda janrlar yo’nalishi.
2 ) Teledasturlar scenariysi tuzilishi.
3 ) Kadr orti matni ahamiyati.


1. Zamonaviy TVda janrlar yo’nalishi.
Televidenie paydo bo‘lishi bilanoq o‘ziga xos janr yo‘nalishiga ega bo‘la boshladi. Undagi asosiy maqsad ommaga axborot yetkazish va ta’sirlantirish edi. Vaqt o‘tishi bilan televizion janrlar ko‘payadi va bir necha turga bo‘linadi. Ularning ichidan asosan ikki yo‘nalishi ustunlik qiladi.
Ular: 1) Informatsion – ommaviy,
2) Badiiy – ommaviy (o‘yinli sahnalar) janrlaridir.
Birinchi yo‘nalish o‘zining ichiga: reportaj, intervyu, suxbat, baxs-munozara, sharx, press-konferensiya kabilarni jamlaydi.
Ikkinchi yo‘nalishda xujjatli film, videofilm, ocherklar, portretlar jamlanadi.
Zamonaviy televideniening janrlari rivoji jurnalistika sohasi bilan chambarchas bog‘liq. Jurnalistlar voqea mazmunini ochib berishda va yetkazishda uch faktordan foydalanishadi.
Ular: 1) Faktlar bilan xabardor qilish.
2) Fakt va voqealarni izohlash, talqin etish.
3) Ammaviy tarzda faktlarni izohlash va yechim izlash.
Ushbu uch xildagi ifodalash usuli o‘z navbatida yana uch janr yo‘nalishiga murojat qiladi.
Ular: 1) Informatsion (reportaj, intervyu)
2) Analitik (suhbat, obzor)
3) Xujjatli-badiiy (ocherk, xujjatli film)
Informatsion janrlar
Xabar – axborot, yangiliklar, davr kabi ko‘rsatuvlar. Ularda qisqacha kunning yangiliklari bayon etiladi. Bunda faqat so‘z orqali va so‘z bilan kadr orqali ifodalanadi.
Intervyu – jurnalistning ma’lum bir inson bilan savol javob qilishi. Voqeaga, faktlarga shu orqali izoh beriladi.
Reportaj – voqea joyidan tezkor holatdagi tanishtiruv. Reportaj muommoli mavzuga atalgan bo‘lishi ham mumkin, bunda bugungi voqeaga yoki bo‘lib o‘tgan voqeaga dahli bo‘lmasligi mumkin.