Мавзу : Мустаҳкамлаш. Д. Т

Мавзу : Мустаҳкамлаш.


Д. Т. : Болаларнинг мусиқий тафаккурини ривожлантириш, идроки ва ҳиссиётларини тарбиялаш, куй ва қўшиқларни тинглашга одатлантириш, қўшиқларни айтишга ўргатиш, мусиқий фаолиятини ривожлантириш.


Мақсад : Чорак давомида болалар томонидан Давлат талабининг бажарилишини тахлил этиш.


Керакли жиҳозлар : Рангли расмлар, композиторлар портретлари, тестлар, дидактик материаллар, рангли ҳар-хил шакллар, аудио магнитафон, қўлда ясалган чолғу асбоблари, атрибутлар.


Фойдаланилган усуллар : Ўйин, шеърий услуб,интерфаол (ақлий ҳужум),гуруҳларга бўлиниш.


Машғулотнинг бориши.


Кириш : Болалар тантанали “ Марш “ мусиқаси остида қарсаклар билан залга кириб ярим доира ҳосил қиладилар.


Бола : Ташриф буюрибсиз бизнинг боғчага,
Мамнун бўлдик биз болалар хам.
Баҳра олинг бизнинг билимимиздан,
Хамма: Хуш келибсиз азиз устозлар!


Мусиқа раҳбари: /мусиқа остида / Ассалому- алайкум.


Болалар : /мусиқа остида / Ва алайкум ассалом.


1 . Мусиқавий ритмик ҳаракат. Марш,югуриш, сакраш, салмоқли қадам, полка куйига мослаб қадам ташлаш, депсиниб юриш, нафас олиш машқлари ва яна марш мусиқаси билан якунлаб ўз жойларини эгаллайдилар.


Мусиқа раҳбари : Қани болалар айтинглар-чи, мусиқа олами бизга нимани ўргатади ?


Бола : Машғулотлар ичида, мусиқа қувноқ фандир.
Оҳанглар оламининг, барча сирлари жамдир.
Бу машғулот бизларга ўйин, рақс, қўшиқлар ,
Сирларин ўргатади, назарий билимларни,
Жамлашни ўргатади.

-- 1 --

Мусиқа раҳбари : Рахмат сизга болалар, доно зукко лолалар.
Мусиқада болалар етти нота мавжуддир.
Еттита ноталардан қувноқ куйлар таралур.
Қани ноталар чиқинг ўзни бир таништиринг.