Мавзӯъ: Аҳамияти гуногунии жанрҳои адабӣ дар адабиёт. Мундариҷа: Сарсухан. Қисми асосӣ

Ғино дар луғат ба маънои овози хуш, суруду нағма аст ва дар истилоҳ ба насру шеъре гуфта мешавад, ки баёнгари эҳсосоти адиб аст.
Маънии луғавии фард танҳо ягона аст. шакли ҷамъи он фардиёт муфрадот мебошад. Фард жанри хурди ғиноӣ буда ҳамагӣ аз як байт иборат аст.
Дубайтӣ жанри ғиноие мебошад, ки барои ифодаи эҳсосоти қалбию андешаи қаҳрамони лирикӣ эҷод мешавад.
Дубайтӣ аз ду байт, ё чор мисраъ иборат мебошад. Тарзи қофиябандии ааба дорад.
Рубоӣ паҳншудатарин жанри ғиноист.
Қитъа маънои порча, ҷузро дорад. қитъа жанри лирикиест, ки дар бораи масъалаҳои гуногуни зиндагӣ, панду ахлоқ, ҳодисаҳои таърихӣ ва ғайра маълумот медиҳад. Қитъа барои қувват додани фикрҳо аҳамият дорад. Дар қитъа тахаллус намеояд.
Маснавӣ маънои ду – ду, дугониро дорад, Маснавӣ шакли шеъриест, ки ҳар ду мисрааш дорои як қофия мебошанд. аа бб вв....

Ғазал дар луғат ба маънии изҳори ишқу муҳаббат кардан аст.Ғазал жанри лирикие мебошад. ки дар ҳаҷми 7-12 байт гуфта мешавад.Сохти он аа, ба , ва мебошад. Баъзе ғазалҳо то 25 байт мешавад.
Байти аввал матлаъ ва байти охир мақтаъ ном дорад.
Мувофиқи миқдори мисраъҳои бандҳо ҳар як навъи мусаммат номи алоҳида дорад:
1) семисраъгӣ -----------------мусаммати мусаллас,
2) чормисраъгӣ----------------мусаммати мураббаъ,
3) панҷмисраъгӣ---------------мусаммати мухаммас,
4) шашмисраъгӣ---------------мусаммати мусаддас,
5) ҳафтмисраъгӣ---------------мусаммати мусаббаъ,
6) ҳаштмисраъгӣ---------------мусаммати мусамман,
7) нӯҳмисраъгӣ------------------мусаммати мутассаъ,
8) даҳмисраъгӣ------------------мусаммати муашшар.
Тарҷеот гуруҳи махсуси лирикаи тоҷику форс буда, аз дастаи шеърҳои дар як вазн, аммо қофияҳои гуногун эҷод шуда фароҳам меоянд.
Мустазод калимаи арабӣ буда, маънояш зиёд кардашуда мебошад.
Жанри омехта гуфта, омезиши жанрҳо фаҳмида мешавад.
Дар вақти омухтани ҳаёт ва эҷодиёти ин ё он адиб мо ҳамеша ба дар кадом жанрҳои адабӣ асар офаридани ӯ аҳамият дода, сабабҳои маҳз ба ҳамин жанр рӯй овардани ӯро шарҳ бояд бидиҳем. Масъалаи омухтани жанрҳои адабӣ яке аз муҳимтарин вазифаҳои илми адабиётшиносӣ ва илми назарияи адабиёт аст. Дар ин масъала дар пеши муҳаққиқон ва олимони илми адаб корҳои илмии карданӣ зиёданд. Мо боварӣ дорем, ки масъалаҳо ҳалли худро меёбанд.