5... 3... 2... O’lchashlarni bajarib, figuraning perimetrini va yuzini toping.
Hosil qilingan formulani qo’llanish maqsadida amaliy ish o’tkaziladi. Har bir o’quvchiga to’g’ri to’rtburchak beriladi. Uning yuzini hisoblash kerak. To’g’ri to’rtburchakning bo’yi va eni o’lchanadi. Hisoblashlar modelda bajariladi. So’ngra o’quvchilar modellarni almashadilar va bir-birlarining ishlarini nazorat qiladilar.
Mashg’ulot: 1-sinfda geometrik material bilan tanishishga bag’ishlangan dars uchun turli variantlarni tuzish
Mashg’ulot maqsadi: Birinchi sinfda geometrik material mazmuni bilan tanishish. 1- sinfda matematika darslari bo’laklarini ishlab chiqish malakalarini egallash. Topshiriqlar Darslikda geometrik material bayonining tahlil eting.
Geometrik tushunchalarni jadvalda aks ettiring. «To’g’ri va egri chiziqlar», «To’g’ri chiziq kesmasi» mavzusi bo’yicha darsning turli ko’rinishlarini ishlab chiqing.
1- sinf uchun geometrik ko’rgazmalar tayyorlang.
Mashg’ulot. II sinfda geometrik materialni o’rganish metodikasi.
Mashg’ulot maqsadi: «Yuzlik» konsentrida geometrik material ustida ishlash xususiyatlarini ko’rsatish; arifmetik va geometrik materialning o’zaro aloqadorligini aniqlash, to’g’ri to’rtburchak, kvadrat va aylananing ba’zi xossalarini isbotlash usullarini aniqlash.
Topshiriqlar Darslikning geometrik materiallar mazmunini tahlil qiling. Tahlil natijalarini jadvalga yozing:
Ta’riflanadigan geometrik tushunchalarni ajrating va ta’rif turini aniqlang. Natijalami jadvalga yozing:
Algebraik materialni o’rganishda geometrik materialning qo’llanishini va aksini mashqlar misolida tahlil qiling. Bu qo’llanish qanday nazariy asosga ega?
Arifmetik materialni o’rganishda geometrik materiallarni qo’llanilishini tahlil eting.
II sinf matematika kursida yasashga doir masalalar tasnifini amalga oshiring.
«Kesma uzunligi», «Perimetr» tushunchalari qo’llaniladigan topshiriqlar bilan ishlash metodikasini tasniflang.
Darslikda o’quvchilarni «ko’pburchakning yuzi» tushunchasi bilan tanishishga tayyorlovchi topshiriqlarni ajrating.
II sinfda o’lchov uzunliklarini kiritish ketma-ketligini aniqlash uchun ushbu jadvalni tuzing:
«Perimetr» mavzusiga oid amaliy ishni tavsiflang. Bolalar amaliy ish vaqtida perimetrlarini hisoblashga doir ko’pburchaklar modellarini tayyorlang.
To’g’ri to’rtburchak, kvadrat va aylana xossalarini ifodalang.
Darslikda ta’riflangan jumlalardan har birining hisbotini keltiring.
Mashg’ulot. 3 va 4-sinfda geometrik materialni o’rganish.
Mashg’ulot maqsadi. Boshlang’ich sinflar o’quvchilarida geometrik shakl, 4-sinfda hajm tushunchasi va ularning xossalari va munosabatlari haqidagi tasavvurlarni yanada takomillashtirishga, eng sodda geometrik shakllarni yasash malakalarining ishlab chiqilishiga yordam beradigan usullar bilan tanishish.
Topshiriqlar Topshiriq bo’yicha toza qog’ozda to’g’ri to’rtburchakni yasash algoritmini tavsiflang.
Masalani yechishda yasashga doir masalalarni yechish to’rt bosqichi: tahlil, yasash, isbotlash va tekshirishni ajrating. Har bir bosqichlar bo’yicha o’qituvchi sinfga murojaat etadigan savollarni ta’riflang.
Topshiriq bo’yicha toza qog’ozda to’g’ri burchakli uchburchakni yasash algoritmini ta’riflang.
Darslikda toza qog’ozda geometrik shakllarni yasashga oid masalalami ajrating.
Darslikdan sharti grafik yozilishi mumkin bo’lgan masalalarni ajrating va ularni yozing.
Masalani tenglama tuzish usuli bilan yechilishida o’quvchilarga bu tenglamani tuzishga yordam beradigan chizmani chizing.
Masala va uning yechilishining to’g’riligini tekshirishni amalga oshiruvchi metodlarni ifodalang.
Mashg’ulot. Shaklning yuzi. Hajmlarni hisoblash.
Mashg’ulot maqsadi: shakllar yuzlarini va hajmlarni hisoblashning turli usullari bilan tanishish; to’g’ri to’rtburchak va kvadrat yuzlarini hisoblash qoidalarini asoslash; masalalarni yechishda shakllar yuzlarini hisoblash qoidalarining qo’llanishini ko’rsatish.
Darslikda keltirilganlardan farqli shakllar modellarini yasang. Ularga «shaklning yuzi», «hajm» tushunchasini aniqlashtiradigan savollar qo’ying.
O’quvchilarni yuzning yagona birligini kiritish zarurligiga mayda va yirik turli paletka yordamida qanday qilib olib kelishni aniqlang.
«Kvadrat santimetr» tushunchasining mazmunini tahlil qiling.
O’quvchilarni to’g’ri to’rtburchak yuzini hisoblash qoidasiga olib keladigan topshiriqlar tizimini tuzing. To’g’ri to’rtburchak yuzini hisoblab chiqarishni taqqoslang.
To’g’ri to’rtbuchak yuzini aniqlash bo’yicha amaliy ish uchun to’g’ri to’rtburchaklarning individual foydalaniladigan turli modellarini tayyorlang.
«Kvadrat ditsimetr» tushunchasini kiritish metodikasini ifodalang.
O’lchovlar jadvalining tuzilish metodikasini tavsiflang:
