Matyaqubova o mirtemir she‘riyatida xalq og‘zaki

 

 

 

---

 

4 

                                                  KIRISH 

BITIRUV MALAKAVIY ISHINING UMUMIY TAVSIFI 

Mavzuning  dolzarbligi.  XX  asr  o‘zbek  adabiyotida  Mirtemir  poeziyasini 

o‘rganish,  badiiy o‘ziga xosliklarini aniqlash, ularni yaxlit badiiy sistema sifatida 

tadqiq etish, davr, ijtimoiy voqelik va ma’naviy hayot taqozasi bilan yuzaga kelgan 

belgilarni  kuzatish,  Mirtemir  lirikasi  janrlari  sistemasida  tutgan  o‘rni  va 

ahamiyatini belgilash, mavqeini tahlil va tadqiq etishdan iboratdir.   

Mamlakatimiz  mustaqillikka  erishgach,  iqtisodiy  siyosiy-ijtimoiy  sohalarda 

islohotlarning bosqichma-bosqich amalga oshirilishi bilan bir qatorda, madaniy va 

adabiy  merosimizga  ham  munosabat    tubdan  o‘zgardi.  Bu  jarayonda  adabiy 

qadriyatlarning  ijtimoiy  hayotdagi  va  komil  inson  tarbiyasidagi  o‘rni  hamda 

mavqeiga e’tibor kuchaymoqda. O‘sib kelayotgan yosh avlod qalbida milliy g‘urur 

va  badiiy  nafosat  urug‘larni  undirishda  san’at  va  adabiyotning  o‘rni  beqiyosdir. 

Yurtboshimiz  Islom  Karimov  ta‘kidlaganidek:  „Ma‘naviyat—insonni  ruhan 

poklanish,  qalban  ulg‘ayishga  chorlaydigan,  odamning  ichki  dunyosi,  irodasini 

baquvvat, iymon-e‘tiqodini butun qiladigan, vijdonini uyg‘otadigan beqiyos kuch, 

uning barcha qarashlarining mezonidir“.

1

 

Mashhur  faylusuf  Hegel  ta’biri  bilan  aytganda  „san‘at  obrazlar  orqali 

fikrlashdir“. Badiiy adabiyotning asosiy belgisi va odamga chuqur ta‘sir etishning  

boisi  uning  obrazli  ekanidir.  Badiiy  obraz    ijodkorning  fikr,  tuyg‘u,  hissiyot  va 

kechinmalari  singdirilgan  manzara    tasviri  bo‘lib,  kengroq  ma‘noda  poetik  obraz 

atamasi bilan ham  yuritiladi. Adabiyotning asosida inson obrazi turar ekan, uning 

ruhiy olamini kashf etish ijodkorning bosh maqsadi  hisoblanadi. Ijodkor mahorati 

ham  bevosita  inson  qalbining  kechinmalarini  qay  darajada  haqqoniy  tasvirlay 

olishi bilan belgilanadi.  Zero,  U  Normatov haqli  ravishda ta‘kidlaganidek,  „Inson 

va  uning  tabiati,  qalbi,  ruhiyati  haqiqatini  kashf  etishda  hech  bir  soha  adabiyot 

bilan tenglasha olmaydi, uning o‘rnini bosolmaydi“

2

. 

Ma‘lumki, har bir ijodkor o‘ziga xos iste‘dod sohibidir. Ular inson ruhiyati 

                                                 

1

Karimov.I.A  Yuksak ma’naviyat-yengilmas kuch. Toshkent, 2008 –yil, 59-bet 

2

 Normatov U. Umidbaxsh tamoyillar. – Toshkent: Ma’naviyat, 2000. 98-bet. 

---

 

5 

manzaralarini  faqat  o‘ziga  xos,  boshqlarga  o‘xshamagan  tarzda  kashf  etadilar. 

Chunki, har bir ijodkor shaxsning o‘z ruhiy olami, e’tiqodi, shaxs sifatidagi xislat 

va fazilatlari turlicha bo‘ladi.  

She‘riyat  so‘z  san’atining  boshqa  turlariga  qaraganda  o‘zining  nafisligi 

bilan, his-tuyg‘ularning jo‘shqinligi, obrazlilikning serqatlamliligi va ta‘sirchanligi 

bilan  ajralib  turadi.  Zero,  she‘r  inson  qalbining  tub-tubidan  otilib  chiqayotgan 

tuyg‘ular tug‘yoni, voqelikka bo‘lgan ehtirosli va murosasiz munosabat ifodasidir. 

Shu  bois  she’riyat  inson  qalbi  dramatizmini  butun  ziddiyatlari  bilan,  butun 

po‘rtanalari,  isyonlari  bilan  aks  ettirishga  qodir  bo‘lgan  ilohiy  qudratga  ega 

kuchdir.  Shunga  ko‘ra  she‘riyat  olami,  she‘r  hodisasi,  uning  o‘ziga  xos  tabiati 

adabiyotshunoslar,  faylasuflar,  nafosatshunoslarning  diqqat  markazida  bo‘lib 

kelgan.