Маттиас шепп, "Штерн" журнали, Германия: Президент жаноблари, собиқ Иттифоқнинг жанубий республикаларидан уларга наркотик моддалар оқиб боряпти, деб хавотир олинмоқда. Сиз бундай бўлмаслигига кафолат бера оласизми

ЕВРОПАДА ХАВФСИЗЛИК ВА ҲАМКОРЛИК
ТАШКИЛОТИНИНГ ИСТАМБУЛ САММИТИДА СЎЗЛАНГАН
НУТҚ
Бундай режаларнинг амалга оширилиши учун Афғонистон асосий майдон вазифасини ўтамоқда. 20 йилдан буён фуқаролар уруши давом этаётган бу мамлакат турли тоифадаги халқаро террористлар ва ақидапарастлар бошпана топиб, тайёргарлик кўраётган синов лагерига, асосан наркотик моддалар етиштириш ва сотишдан олинган даромад ҳисобига кун кўрадиган мамлакатга
айланиб қолди³⁴.
БМТ маълумотларига кўра, жаҳонда гиёҳванд опиумнинг 75 фоизи Афғонистонда етиштирилмоқда. Унинг 90 фоизи бевосита Европада тарқатилмоқда. Барчага шу нарса яхши аён бўлиши керакки, токи Афғонистонда
уруш давом этар экан, хавфсизлик ва тинчликка, қўшни Марказий Осиё давлатларидаги демократик янгиланишлар ва ислоҳотларга бўлган хавф, халқаро терроризм манбаи сақланиб қолаверади ҳамда терроризмнинг минтақа чегарасидан ташқарига тарқалиши хавфи ҳам йўқолмайди³⁵.

Сурхондарёда кейинги икки йилда 3 нафар судья, 54 нафар ички ишлар ходими, 11 нафар божхона ходими, 11 нафар солиқ идораси ходимига нисбатан жиноий иш қўзғатилгани шу фикрнинг тасдиғи эмасми? Шунинг учун ҳам вилоятда жиноятлар сони 1998 йилга нисбатан ўтган йили 8,6 фоизга ошган. Жумладан, оғир жиноятлар 18,6 фоиз, босқинчилик 33,3 фоиз, талончилик 9,3 фоизга, ўғрилик 22,7 фоиз, гиёҳванд моддаларни қонунга хилоф равишда ўтказиш билан боғлиқ жиноятлар 17,1 фоизга ўсган. Биргина ўтган йилнинг ўзида моддий бойликларни ноқонуний йўллар билан вилоятдан олиб чиқиб кетишга уринган 24 нафар шахсга нисбатан 19 та жиноий иш қўзғатилиб, улардан қарийб 68миллион сўмлик товар-моддий бойликлар давлат фойдасига мусодара қилинди³⁶.
Афсуски, бундай нохуш ҳолатлар давом этаётганини жорий йилнинг ўтган 2 ойида 3,5 миллион сўмлик моддий бойлик чегарада ушлаб қолингани ҳам кўрсатиб турибди. Қисқа қилиб айтганда, бу соҳадаги нуқсонларнинг барчаси вилоят раҳбариятининг масъулиятсизлиги, бепарволик, ўзибўларчилик, лоқайдлик кайфиятига берилиб, ишларни ўз ҳолига ташлаб қўйгани билан изоҳланади³⁷.