Матлаб тизимининг вазифаси ва имкониятлари

Матлабнинг операторлари ва созланган функциялари
Оператор – бу маълумотлар устида бажариладиган маълум бир амалларни бажариш учун ишлатиладиган махсус белгилаш (операнда). Масалан, оддий арифметик операторларга мисол қилиб қуйидагиларни олиш мумкин: йиғинди +, айирма -, кўпайтириш *, бўлиш /. Операторлар операндалар (маълумотлар) билан бирга ишлатилади. Масалан, 2+3*4 ифодада * кўпайтириш, + эса қўшиш оператори, 2,3 ва 4 эса операнда ҳисобланади.
Шуни таъкидлаб ўтиш лозимки, кўплаб операторлар матрицали операторларга тегишли бўлиб, жиддий тушунмовчиликларга сабаб бўлиши мумкин. Масалан, * - кўпайтириш ва / - бўлиш операторлари икки массив, вектор ёки матрицаалрнинг кўпайтмаси ва бўлинмасини ҳисоблайди. Бир қатор шундай махсус операторлар мавжудки, масалан, \, .* ва ./ операторлар, мос равишда, массивларда элементлар бўйича кўпайтириш ва бўлишни англатади.
Қуйида келтириладиган мисоллар юқорида айтиб ўтилган амаллар тушинтириб беради:
>>v1=[2 4 6 8 ]
V1 = 2 4 6 8
>>V2=[1 2 3 4 ]
V2 = 1 2 3 4
>>v1/v2
ans= 2
>>v1.*v2
ans=2 8 18 32
>>v1./v2
ans=2 2 2 2
Матлабдаги барча операторлар рўйхатини кўриш учун операторидан фойдаланилади: help ops.
Функция – ўзининг аргументалари устида маълум бир шакл алмаштиришларни бажарувчи ва мазкур шакл алмаштириш натижаларини қайтариш хусусиятига эга бўлган ноёб номли объектдир. Натижани қайтариш - функциянинг бошқа объектлардан ажратиб турувчи хусусиятидир.
Функциялар умумий ҳолда нафақат битта, балки бир қанча аргументларга эга бўлиши мумкин. Агар функция битта эмас, бир нечта натижавий қийматларни қайтарадиган бўлса, у ҳолда у қуйидагича ёзилади:
[Y1, Y2, …] = func(X1, X2, …), бу ерда Y1, Y2, … - чиқиш параметрлар рўйхати, X1, X2, …-эса кириш параметрлар (аргументлар) рўйхати.
Элементар функциялар рўйхати билан help elfun буюруқ(команда)ни бериш орқали, махсус функциялар рўйхати билан эса help specfun орқали танишиш мумкин. Умуман олганда, функциялар созланган (ички) ва ташқи, яъни m-функциялар бўлади. Созланган функцияларга жуда кенг тарқалган элементар функциялар киради, масалан, sin(x), exp(x) ва бошқалар. Ташқи функциялар эса бу m-файллардир. Бундай функцияларни бериш учун махсус m-файлларни таҳрир қилувчи редактордан фойдаланилади. Созланган функциялар Матлаб тизими ядросида сақланади, шу сабабали, улар орқали ҳисоблашлар жуда хам тез амалга оширилади.