Маткаримова Саломат Қўзиевна

Маткаримова Саломат Қўзиевна

Маткаримова Саломат Қўзиевна - филология фанлари номзоди, катта илмий ходим-изланувчи.

1975-yil 3-aprelda Xorazm viloyati Shovot tumani «O‘zbekiston» qishlog‘ida ishchi oilasida tug‘ilgan. Shovot XTBga qarashli 16-son Nizomiy nomli o‘rta maktabda o‘qigan. 1992-1997-yillarda Urganch Davlat universiteti O‘zbek filologiyasi fakultetida tahsil olgan. 1997-yildan 1998-yilgacha Shovot XTB ga qarashli 43-umumiy o‘rta ta’lim maktabida ona tili va adabiyoti o‘qituvchisi lavozimida ishlagan. 1998-2001-yillarda Urganch davlat universiteti O‘zbek adabiyoti kafedrasi aspiranti bo‘lgan. 2003-2004-yillarda UrDU qoshidagi «Biznes maktab»da o‘qituvchi bo‘lib ishlagan. 2004-yildan Filologiya fakulteti O‘zbek adabiyoti kafedrasida assistent-o‘qituvchisi lavozimida ilmiy-pedagogik faoliyatini davom ettirgan. 2009-2014-yillarda mazkur kafedrada katta o‘qituvchi lavozimida ishladi. 2014-2017- yillarda O‘zbek tili va adabiyoti kafedrasi katta ilmiy xodim-izlanuvchisi bo‘ldi. 2017-2019-yillardan kafedra dotsenti lavozimida faoliyat yuritdi. 2019-yil 3-martdan O‘zbek adabiyoti kafedrasi mudiri lavozimida ishlab kelmoqda.

2007-yil 11-iyulda «Tabibiy - tazkiranavis» mavzusidagi nomzodlik dissertatsiyasini himoya qildi. 2011-yilda «Tabibiy - tazkiranavis» nomli monografiyasi nashr qilindi. “O‘zbek mumtoz adabiyoti tarixi” fanidan kurs ishlari” nomli uslubiy ko‘rsatma, “O‘zbek mumtoz adabiyoti tarixi” fanidan amaliy mashg‘ulotlarni tashkil etish” hamda “Tasavvuf va mumtoz poetika asoslari” fanidan amaliy va seminar mashg‘ulotlarni tashkil etish” nomli uslubiy qo‘llanmalar muallifi. Shu paytgacha Respublikada, xorijda va universitetda chiqadigan ilmiy jurnal va to‘plamlarda 80 dan ortiq maqolalar e’lon qildi. Respublika miqyosida va xorijda o‘tkazilgan qator ilmiy-nazariy anjumanlarda maqolalari bilan faol ishtirok etib keladi. Hozirda «Xorazm shoirlari ijodida Navoiy an’analari» mavzusidagi doktorlik dissertatsiyasi ustida izlanish olib bormoqda.