Materiallarining izohli bibliografiyasi

Toshkentdan To‘lagan Xo‘jamyorov
. Taassuf va ta’ziya maktubi. 
№
210, 
24.09.1913, 2. Turkistonda birgina “Samarqand” gazetamiz bor edi, 
mushtariysizlikdan 1000 rubl ziyon ko‘rib 44-sonida to‘xtadi, 
Turkistonning qariyb 10 mln aholisi birgina gazetani davom ettira olmadik, 
bizning qanchalik taraqqiyda ekanligimizni bundan bilib olish mumkin, 
kerakmas to‘ylarga minglab rubl sarf etgan vatandoshlar bir gazeta olishga 
qurblari yetmaydi. 
100. “Sayyohi hindi”. 
№
211, 25.09.1913, 2. Turkistonli Abdurauf afandi 
forsiycha “Sayyohi hindi yoki Buxoroning haqiqiy holi” nomida bir risola 
yozgan, bu asarni Kondrat’ev degan odam ruschaga tarjima qilgan, bu ikki 

---

Tarjimon (1883 – 1917) Gazetasidagi Turkiston Materiallarining Izohli Bibliografiyasi 
209 
kitob yaqinda bosilib chiqadi, kitoblarni Samarqandda Mahmudxo‘ja 
Behbudiydan olish mumkin. 
101. 
[Ismoil Gasprinskiy].
“Samarqand” g‘azetasi. 
№
212, 26.09.1913, 3. 
Idoraga kelgan “Samarqand” gazetasining 44-sonida gazeta to‘xtatilishi 
haqida yozilgan, sababi, gazeta 5 oyda 500 mushtariy topgan, 5 oyda 1000 
rubl ziyon, agar o‘quvchi 1000 ta bo‘lsa chiqadi, Turkistonda o‘z ona tilida 
chiqqan gazetaga 1000 o‘quvchi yo‘q, gazetaning noshiri va muharriri 
Behbudiy afandi ne daraja buyuk ixlos va himmat ila ish boshlaganini 
bilamiz. 
102. “Oyina”. 
№
212, 26.09.1913, 3. Behbudiy chiqargan “Oyina”ning 
ikkinchi soni biroz kechikib chiqqani uchun muharrir uzr so‘raydi, qolgan 
sonlari ne vaqt chiqishi aniq bo‘lmaganligidan sanalik obuna bo‘lganlar 
pullarini qaytarib olishlari mumkinligi yozilgan. 
103. 
Vaqt
. Marhum Sayyid Islomxo‘ja. 
№
212, 26.09.1913, 3. 9-avgustda 
vahshiyona o‘ldirilgan Xiva bosh vazirining rasmini bergan, qotillari 
aniqlanmagani haqida. 
104. Milliy maishat. 
№
215, 1.10.1913, 3. Tarixiy maqolalari bilan tanilgan 
Zaki Validiy Arxeologiya jamiyati tarafidan tadqiqot uchun Turkistonga 
ketishi haqida. 
105. “Samarqand” g‘azetasi. 
№
217, 3.10.1913, 2. “Samarqand” gazetasi 
yopilish xabari tarqagandan keyin Qo‘qondan Mirzo Oqilov va Akbarshoh 
Mansurov 200 mushtariy va 500 rubl pul yuborib gazeta davom ettirilishini 
so‘ragan, Behbudiy boshqa tarflardan ham himmat ko‘rsatilsa gazeta va 
jurnal o‘z vaqtida chiqa boshlashini aytgan, bu ikkisini muntazam nashr 
qilish uchun Behbudiy shirkat ochishni va badali 25 rubl bo‘lishini taklif 
qilgani haqida. 
106. Mirzarabot sahrosi. 
№
220, 6.10.1913, 3. Sahroga o‘tkazilgan kanal 
rasmiy va tantanali ravishda ochilgani haqida. 
107. Turkistonda Romanov kanali. 
№
223, 10.10.1913, 3. Sirdaryodan 
Mirzacho‘lga olib borilgan kanal haqida. 
108. Turkistonda neft. 
№
229, 17.10.1913, 3. Toshkent boylardan Orifjon 
Mullaboyev Qo‘qon uyezdida neft qazish uchun ruxsat olgan, katta shirkat 
tashkil qilishi haqida. 
109.