Matematikanaliz fanining ishchi o‘quv dasturi

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI


NIZOMIY NOMIDAGI
TOSHKENT DAVLAT PEDAGOGIKA UNIVERSITETI

«Tasdiqlandi» O’quv ishlari bo’yicha prorektor ________ D.U.Ergashev 2018-yil “___” _________

M A T E M A T I K A N A L I Z
FANINING ISHCHI O‘QUV DASTURI
(2- kurslar uchun)

Bilim sohasi: 100000 - Gumanitar

Ta’lim sohasi: 110000 - Pedagogika
Ta’lim yo‘nalishi: 5110100 - Matematika o‘qitish metodikasi

№	Mashg’ulot turi	Ajratilgan soat	Semestr
			1	2	3	4	5	6
1	Nazariy (ma’ruza)	280	56	60	56	60	30	18
2	Amaliy	280	58	60	58	60	26	18
3	Mustaqil ta’lim	390	76	80	76	80	44	34
4	Kurs ishi		-	-	-	-		+
	Jami auditoriya soatlari	560	114	120	114	120	56	36
	Umumiy o’quv soatlari	950	190	200	190	200	100	70

Toshkent – 2018

Fanning ishchi o’quv dasturi O’zbekiston Respublikasi Oliy va o’rta maxsus ta’lim vazirligi 201__yil “__”___________dagi ___-sonli buyrug’I bilan (buyruqning ____-ilovasi) tasdiqlangan “Matematik analiz” fani asosida tayyorlangan.

Fanning ishchi o’quv dasturi Ni и тzomiy nomidagi Toshkent davlat pedagogika universiteti Kengashining 201__- yil “__” _______ dagi __ -sonli majlis bayoni bilan tasdiqlangan.

Tuzuvchilar

R.Turgunbayev R.Koshnazarov	- TDPU “Umumiy matematika” kafedrasi dotsenti, fizika-matematika fanlari nomzodi - TDPU “Umumiy matematika” kafedrasi katta o‘qituvchisi
Taqrizchilar: N.Parpiyeva	- TDPU “ Umumiy matematika” kafedrasi dotsenti v.b., fizika-matematika fanlari nomzodi
D.Davletov	– TDPU “Matematika o’qitish metodikasi” kafedrasi dotsenti v.b., fizika-matematika fanlari nomzodi

Nizomiy nomidagi TDPU Fizika-matematika fakulteti dekani:

2018 yil “__”________________________G’.Djabbarov

Umumiy matematika kafedrasi mudiri:

2018 yil “__”________________________R.Turgunbayev
1. O’quv fanini o’qitish bo’yicha uslubiy ko‘rsatmalar
«Matematik analiz» fanining vazifasi - maktab, o‘rta-maxsus ta’lim muassasalari matematikasida kiritilgan matematik analizga taalluqli tushunchalarni ilmiy asoslash; -tatbiqiy va amaliy ahamiyatga ega boʻlgan qatorlar nazariyasi bilan tanishtirish, Teylor qatorining funksiyalarni oʻrganishdagi muhim matematik apparat ekanligini uqtirish; ko’p o’zgaruvchili funksiya, limiti, uzluksizligi, ko’p o’zgaruvchili funksiyaning differensial hisobi va uning tatbiqlarini o’rgatish; ikki va uch oʻlchovli integrallar, egri chiziqli integrallardan keyingi oʻqiladigan fanlar uchun kerakli hajmda bilimlar berish va ularning geometrik va fizik kattaliklarni oʻlchashdagi tatbiqini oʻrgatish; differensial tenglamalarning borliqdagi jarayon va hodisalarning matematik modeli ekanligini asoslash; differensial tenglamalarning turdosh fanlardagi tatbiqlarini oʻrgatish; analitik funksiyalar nazariyasi yordamida matematik analizdagi ba’zi faktlarni ilmiy asoslash, mantiqiy mulohaza va ilmiy-adabiy nutqni rivojlantirishdan iborat.
«Matematik analiz» o‘quv fanini o‘zlashtirish jarayonida amalga oshiriladigan masalalar doirasida talaba:
- sonli va funksional qatorlar, darajali qatorlar, Teylor qatori, funksiyani Teylor qatoriga yoyish, trigonometrik qatorlar, Furye qatori; koʻp oʻzgaruvchili funksiyaning limiti va uzluksizligi, xususiy hosilalari, toʻla differensiali, ekstremumlari; ikki va uch o’lchovli integrallar, egri chiziqli integrallar; sodda differensial tenglamalar, ularni umumiy va xususiy yechimlari, yuqori tartibli oʻzgarmas va oʻzgaruvchi koeffitsientli chiziqli differensial tenglamalar haqida bilimlarga ega bo’lish lozim;
-sonli va funksional qatorlarni, darajali qatorlarni yaqinlashishga tekshirish, funksiyani Teylor qatoriga yoyish, funksiyani Furye qatoriga yoyish, koʻp oʻzgaruvchili funksiyaning limiti va uzluksizligi; koʻp oʻzgaruvchili funksiyaning differensial va integral hisobi; differensial tenglamalarni turlarga ajratish; differensial tenglamalarning umumiy, xususiy, maxsus yechimlarini topa olish; masala shartiga koʻra differensial tenglamani tuza bilish va yechimini tahlil qilish ko‘nikmasiga ega bo‘lishi kerak.
-talaba sodda sonli qatorlarni yaqinlashishga tekshirish, darajali qator yaqinlashish radiusi va sohasini topish, elementar funksiyalarni Teylor qatoriga yoyish, sodda differensial tenglamalarni integrallash, umumiy integralga koʻra xususiy integralni topish, ikkinchi tartibli oʻzgarmas koeffitsientli chiziqli differensial tenglamalarni yechish malakasiga ega bo‘lishi lozim.