Matematikanı oqıtıw metodları. Matematikanı oqıtıw metodlarının’ klassifikatsiyası

Oqıwshılardın’ matematikalıq pikirlerin rawajlandırıw protsesinde ma’selelerdin’ a’hmiyeti. Ma’selelerdi sheshiwde ulıwma ha’m jeke usıllar


Reje:
1.Matematika ta’lim protsesinde ma’sele ha’m mısallardın’ roli ha’m ornı.
2. Matematikanı oqıtıwda ma’selele ha’m mısallardın’ orınlaytug’ın funktsiyası.


Oqıw protsesinde ma’sele ha’m mısallar sheshiw matematikanı oqıtıwdın’ maqseti iretinde, onı oqıtıw usılı iretindede paydalanıladı. «Matematikalıq ma’seleler degenimiz –matematikadag’ı nızamlılıqlar, qag’ıydalar menen usıllar tiykarında oqıwshılardın’ oylawı menen is ha’reketin talap etetug’ın ja’ne matematikalıq bilimdi basqarıwg’a, olardı a’meliyatta qollana biliwge u’yretetug’ın, olardın’ oylaw qa’biletin rawajlandırıwg’a bag’ıtlaytug’ın jag’day». Sonlıqtan ma’sele sheshiw matematikanı oqıtıwdın’ ajıralmas bo’legi,sebebi ma’sele sheshiw matematikalıq tu’siniklerdi qaliplestiriwge, okıwshılardın’ matematikalıq oylawın rawajlandırıwg’a, alg’an bilimlerin a’meliyatta qollanıwg’a, talapshan’lıq, izleniwshilik, miynet su’yiwshilik qa’siyetlerin ta’rbiyalawg’a mu’mkinshilik beredi.Matematikalıq ma’seleler ha’m mısallar: a)jan’a matematikalıq tu’sinikler menen mag’lıwmatlardı u’yretiw b) bilimnin’ teren’ligi menen mazmunın tekseriw v) mashqalalar tuwg’ızıw g) bilimlerdi bekkemlew, ulıwmalastırıw ha’m ta’kirarlaw d) oqıwshılardın’ do’retiwshilik qa’biletin ta’rbiyalaw ushın paydalanıladı.
Ma’seleler ha’m mısallardı sheshiw oqıwshılardı jan’a matematikalıq bilimler menen qurallandırıp, alg’an bilimlerin teren’lestiriwge ha’m rawajlandırıwg’a ja’rdemlesedi.
1. Matematikalıq tu’siniklerdi biliwge arnalg’an mısallar.
Matematikalıq tu’siniklerdi tolıq tu’siniw ushın onın’ anıqlamasın yadlap alıw jetkiliksiz bolatug’ını belgili. Matematikalıq tu’siniklerdi tu’sinip biliw ushın onın’ anıqlaması menen birge ayırıqsha belgilerin, qa’siyetlerin biliw kerek.Bunın’ ushın aldı menen sol temaga arnalg’an ma’selelerdi sheshiw,jetkilikli da’rejede shınıg’ıwlar islew kerek.Ma’selen, kvadrat ten’lemelerdi basqa ten’lemelerden ajıratıw ushın ha’r tu’rli shınıg’ıwlar berip, okıwshılardı shınıqtırg’an paydalı. Mısalı, to’mendegi ten’lemelerdin’ qaysısı kvadrat ten’lemeler:
a) b) v) g) d)
Oqıwshılar bul shınıg’ıwlardı orınlag’an waqıtta oqıwlıqtag’ı anaqlama menen salıstırıp, kvadrat ten’lemelerdi tez ajıratıp biledi.