Matematikadan didaktik materiallar

«Koinotga uchamiz» o'yini 

Didaktik topshiriq: o'quvchilarning fazoviy tasavvurlarini hosil qilish. 

O'yin topshirig'i: 10 soni ichida to'g'ri va teskari sanash malakasini shakllantirish. 

O'yin  bayoni:  O'quvchilar  o'yin  qoidasi  bilan  tanishtiriladi.  O'quvchilar  qo'lini 

asta-sekin  harakatlantirib  1,  2,  3,  4,  5,  6,  7,  8  ,9  ,10  deb  bosh  qismgacha  olib  chiqadi. 

So'ng  «Biz  koinotga  uchdik,  endi  bizga  pastdan  qo'ng'iroq  bo'lyapti,  demak  yerga 

qo'nishimiz  kerak»,  —  deb  bosh  qismdan  qo'lni  ko'krak  tomonga,  ya'ni  pastga 

harakatlantirib 10, 9, 8, 7, 6, 5, 4, 3, 2, 1 deb sanashadi. Bu o'yin jarayonida o'quvchilar 10 

soni ichida to'g'ri va teskari tartibda sanashni mukammal o'zlashtirib oladilar. Albatta, bu 

o'yinda hamma o'quvchi baravariga qatnashadi, ya'ni jo'r bo'lib qo'l harakati bilan 1, 2, 3, 

4,  5,  6,  7,  8,  9,  10  deb  sanaydilar.  Yerga  qaytamiz  deyilganda  teskarisiga  sanaydilar. 

Demak,  bu  o'yin  10  soni  ichida  to'g'ri  va  teskari  sanashni  mustahkamlashga  yordam 

beradi.