“Matematika tarixidan lavhalar” rubrikasi ostida beriladigan materiallar

QIZIQARLI MATEMATIKA

Tuzuvchi: Jiyanova Gulbibi Shamiyevna-Paxtachi tibbiyot kolleji

matematika fani o'qituvchisi

Taqrizchilar: Norchayev T. –Navoiy Davlat Pedagogika instituti

Kirish

Matematikadan o’quvchilarning fanga qiziqishi, avvalo dars jarayonining tashkil etilishiga bog’liq. Shu bilan birga, yaxshi tashkil qilingan turli tadbirlar orqali o’quvchilarnining matematikaga qiziqishlarini ancha orttirish mumkin.

Matematika faniga qiziquvchi o’quvchilarga matematika darsida olgan bilimlari kamlik qiladi. Ular matemetikga doir ko’proq bilim olishni, matematikaning turmushda qanday qo’llanilishini bilishni, qiziqarli va murakkab masalalarni ko’proq yechishni, hisoblash vositalari bilan ishlashni, matematika tarixiga doir materiallar bilan tanishishni, fanning eng yangi yutuqlaridan xabardor bo’lib turishni istaydilar. Darsdan tashhqari ishlarning eng muhim vazifalaridan biri o’quvchilarning ana shunday istaklarini qondirish, ularning matematikaga qiziqishlarini mustahkamlash va rivojlantirishdan iborat. Asosan bilim maskanlarida o’quvchilar fanlardan tashkil qilingan tugaraklarga qiziqib qatnashadilar.
Buning uchun tugarak mashg’ulotlarida yakka-yakka tarzda vazifalar berish(mavzu bilan bog’liq ko’rsatma qurollar yasash, masalalar yechish, ommabop va qiziqarli matematikaga doir ayrim adabiyotlarni o’qish) bilan matematikaga qiziqqan o’quvchilarni to’plab, matematika tugarak ishini boshlash uchun zamin yaratiladi. Tugarak ishini boshlashdan oldin bir necha dars davomida mavzuga bog’liq ravishda turli xil misol, masala, matematik fokuslar berilib, ularni yechish xatosini topish kabi vazifalar topshiriladi.
Ushbu qo’llanmada o’quvchilarning matematikadan o’tkaziladigan tadbirlar, tugarak ishlarini tashkil qilish hamda dars jarayonida foydalanish uchun buyuk matemetik olimlar hayoti, ayrim mavzularga doir ma’lumotlar, qiziqarli misol va masalalar keltirilgan. Qiziqarli misol va masalalarning yechimlari ham ko’rsatilgan. Fanga qiziquvchilar oila davralarida hayotiy masalalarni yechishda ham foydalanish mumkin.