Matematika fanidan bir soatlik dars ishlanmasi

O’qituvchi; Shiorimiz?
O’quvchilar: Ilm ko’p - u, hunar oz.
Keragin ol-u, toshga yoz.
O’qituvchi; Maqsadimiz?
O’quvchilar: Geometriya fanini chuqur o’rganish va uni yuksaltirish.
O’qituvchi: Vazifamiz?
O’quvchilar: Ozod va obod Vatan, erkin va farovon hayot barpo etish.
O’qituvchi: Navbatchi-o’quvchi qilingiz hisob,
Xonada necha o’quvchi bor shu tob.
O’quvchi: Men Ametova Durdona 11-“A” sinfda bugun navbatchiman. Bizning sinfimizda 26 nafar o’quvchi bo’lishi kerak. Bugun darsda 25 nafar o’quvchi darsga qatnashishga tayyor.
O’qituvchi: Aziz o’quvchilar endi guruhlarga bo’linamiz. Men “Markaziy bank” guruhi bo’laman. Sizlar esa, “Milliy bank”, “Tijorat bank” va “Tadbirkor bank” guruhlariga bo’linasizlar. Har bitta guruh o’zining bank guruhlarining vazifalari haqida qisqacha ma’lumot beradi. “Markaziy bank”, “Tijorat bank” larga xizmat ko’rsatuvchi, Davlatning asosiy banki. “Markaziy bank” Respublikada yagonadir. Bank – aholi, firma va tashkilotlarga pul mablag’larini jamg’aruvchi va ularni boshqalarga qarzga beruvchi qimmatli qog’ozlar oldi-sottisi va boshqa moliyaviy xizmatlar bilan shug’ullanuvchi moliyaviy muassasadir.
O’quvchi: “Milliy bank” O’zbekiston Respublikasi tashqi iqtsodiy faoliyati “Milliy bank” ning O’zbekistonning barcha viloyatlari, katta shaharlar va tumanlarda bo’lim va filiallari bor. Moliya olamdagi eng nufuzli “The Banker” jurnali bergan bahoga ko’ra 2000 - yilda “Milliy bank” jahondagi mingta eng katta va obro’yli bank muassasalari sarasiga kiritilgan “Milliy bank” ana shu ro’yxatda 503 - o’rinni egallagan bo’lib u dunyodagi eng ishonchli banklarning biri deb hisoblanadi.
O’quvchi: “Tijorat banki” aholi, firma va tashkilotlarga xizmat ko’rsatuvchi bank. -“Markaziy bank”da qarzga pul oladi; - Mijozlarning pul mablag’larini saqlaydi va jamg’arishda ko’maklashadi.
Darsimizning birinchi zinasi yakunlandi. Marhamat, ikkinchi zinaga.