Matematika fani bo‘yicha sinflar kesimida aniqlashtirilgan ta’lim standartlari 5-sinf matematik savodxonlik kompetensiyаsi

---

MATEMATIKA FANI BO‘YICHA SINFLAR KESIMIDA 
ANIQLASHTIRILGAN TA’LIM STANDARTLARI 
5-SINF 
MATEMATIK SAVODXONLIK KOMPETENSIYАSI 
aniq hisob-kitoblarga asoslangan holda shaxsiy, oilaviy, iqtisodiy rejalarni 
tuzadi;
kundalik faoliyatda turli diagramma, chizma va modellar ko’rinishidagi 
ma’lumotlarni o‘qiydi; 
formulalardan 
murakkab bo‘lmagan hisoblashlarda, tenglamalarni 
yechishda, yassi va fazoviy geometrik shakllarni tasvirlashda, hisoblash 
vositalarida va tayyor kompyuter dasturlarida foydalanadi; 
kundalik turmushda uchraydigan turli (uzunlik, yuz, hajm, massa, vaqt, 
tezlik va boshqa) kattaliklarning o‘lchov birliklarini biladi, ular ustida hisob-kitob 
ishlarini olib boradi;
suv, gaz, elektr energiyasi, issiqlik ta’minoti kabi turli kommunal 
xizmatlardan foydalanishda tejamkor bo‘lish va ularga oid to‘lovlarni hisoblaydi;
natural sonlar ustida to‘rt amalga doir masalalar yechadi, sonli ifodaning 
(qavsli va qavssiz ) qiymatini hisoblash algoritmiga ko‘ra topadi;
oddiy kasr va o‘nli kasrni o‘qiydi va yozadi, oddiy kasrni o‘nli kasrga va 
o‘nli kasrni oddiy kasrga aylantiradi; koordinatalar nurida o‘nli kasrni xonalar 
bo‘yicha yoyilmasiga ko‘ra tasvirlaydi;
o‘nli kasrlar ustida arifmetik amallarni bajaradi, taqqoslaydi; sonning foizini, 
foiziga ko’ra sonni topadi. 
KOGNITIV KOMPETENSIYA (SHAXSNING MUSTAQIL IJODIY 
FIKRLASH KOMPETENSIYASI) 
ma’lum matematik qoidalar va sodda mantiqiy qonunlar asosida xulosa 
keltirib chiqaradi, rost va yolg‘on tasdiqlarni farqlaydi;
zarur hollarda sodda hisoblash vositalarini qo‘llaydi;
o‘qituvchi bilan hamkorlikda masalaning yechimini topish rejasini tuzadi, 
tuzilgan reja asosida ishlaydi va o‘z faoliyatini to‘g‘rilaydi;
o‘qituvchi bilan hamkorlikda o‘quv va amaliy holatlarda maqsadni 
ifodalaydi, matematikani o‘rganish jarayonida o‘zida ijobiy hissiyotlarni 
shakllantiradi; mustaqil ravishda loyiha ustida ishlaydi va o‘z bilimini 
rivojlantiradi;
natural son tushunchasini o‘zlashtiradi hamda hayotiy masalalarga tatbiq 
etadi;
masala yechishning tenglashtirish va faraz qilish usulini o‘zlashtiradi;
foiz va diagramma tushunchalarini hayotiy masalalarga tatbiq etadi. 

---