Matematika 5-klass

MATEMATIKA
5-klass
Ulıwma orta bılım berıw mekteplerınıń 5-klaslarında matematika pánınen juwmaqlawshı baqlaw imtixanı jazba jumısları boyinsha, usınıs etılgen tapsırma variantlar tiykarında otkızıledi.
Basqıshlı baqlaw imtixanı ushın usınıs etılgen jumıslar ekı variantta berilgen. Berilgen tapsırmalar 5-klass oqıwshılardıń alǵan bilim, kónlikpe, kompetensiyaların hám uqıplılıqların tekserıw ushın xizmet etedi.
Basqıshlı baqlaw imtixanına 120 minut waqıt ajratıladı. Matematika páni qanigelestırılgen klaslarda, metod birlespesi qararı menen 5-klass oquw dástúrıne tuwrı keletuǵın birewden qosımsha tapsırma kırıtılıw kerek. Usınıń ushın tapsırmanı orınlawǵa qosımsha (30 minut) waqıt beriledı.
Imtixan baslanıwdan aldın imtixan komissiyasınıń baslıǵı 5 mór qoyılǵan konvertlardı stoldıń ústine qoyadı. Klass oqıwshılardan biri usı konvertlerden birewin tańlaydı, konvert móri buzılmaǵanlıǵına isenim bildirgennen soń, klass oqıwshıları aldında konvert ashıladı hám 2 varianttan ibarat tapsırmanıń sanı aytıladı. Muǵallim taxtada tapsırmanıń eki variantın jazadı hám shep qatarda otırǵan oqıwshılar 1-variant, oń qatardaǵı oqıwshılar 2-varianttı orınlaytuǵını túsindiriledi. Soń muǵallim hár bir variant tapsırmaların túsindirip, jazba jumısına qoyılǵan talaplardı aytıp ótedi.
Jazba jumısına ajratılǵan waqıt belgılenıp, taxtaǵa imtixannıń baslanǵan hám juwmaqlanıw waqıtı jazıp qoyıladı.
Oqıwshılardıń jazba jumısları 5 ballı bahalaw túrınde bahalanadı.