Маҳсулотнинг сифати ва рақобатбардошлигини таъминлашда стандартлаштиришнинг роли

СИФАТНИ БОШҚАРИШНИНГ САККИЗ ТАМОЙИЛИ

• Ташкилот ишининг кўрсаткичларини ошириш-нинг асоси ҳисобланадиган сифатни бошқаришнинг бу саккизта тамойили ИСО 9000:2000 халқаро стандартига асос қилиб олинган:
• 1) Истеъмолчига мослашиб ишлаш. Ташкилот ўзининг буюртмачиларига боғлиқ ва шунинг учун ҳам буюртмачининг кундалик ва келгусидаги эҳтиёжларини тушуниши, уларнинг талабларини бажариши ва бажарганда ҳам буюртмачи кутгандан ҳам аъло даражада бажаришга ҳаракат қилиши зарур.
• 2) Раҳбариятнинг раҳномолиги. Раҳбарлар ташкилот фаолиятининг йўналишлари ва мақсадлари бирлигини белгилаб берадилар. Улар шундай муҳит яратадиларки, унда одамлар ташкилот олдига қўйилган мақсадларга эришиш учун тўла жалб этиладилар.
• Уларнинг вазифалари қуйидагилардан иборат бўлади:
• ташкилот учун сифат сиёсати ва сифат соҳасидаги мақсадларни белгилаш;
• тегишли жараёнлар жорий этилиши ва уларнинг буюртмачи талабларини бажариш имкониятини беришини таъминлаш;
• сифат менежментининг самарали тизими белгиланиши, жорий этилиши ва бу мақсадларга эришиш учун ишлатилишини таъминлаш;
• зарур ресурсларнинг мавжуд бўлишини таъминлаш;
• эришилган натижаларни белгиланган мақсадлар билан таққослаш;
• сифат сиёсати ва сифат соҳасидаги мақсадлар бўйича қарорлар қабул қилиш;
• сифатни яхшилаш учун амалга ошириладиган ҳатти -ҳаракатлар бўйича қарорлар қабул қилиш.

3) Одамларни жалб қилиш. Барча даражадаги хизматчилар – бу ташкилотнинг моҳияти демак ва уларни тўла жалб эта олиш уларнинг қобилиятларидан ташкилот манфаатлари йўлида фойдаланиш имконини беради.

• 3) Одамларни жалб қилиш. Барча даражадаги хизматчилар – бу ташкилотнинг моҳияти демак ва уларни тўла жалб эта олиш уларнинг қобилиятларидан ташкилот манфаатлари йўлида фойдаланиш имконини беради.
• 4) Жараёнли ёндашув. Тегишли ресурслар ва фаолият – жараён сифатида бошқарилганда кутилаётган натижага анча самарали эришилади. Жараёнли ёндашув ташкилотнинг ўз фаолияти ва ўзаро алоқаларини белгилаш ва тушуниш қобилиятига кўмаклашади.
• Бу ташкилотга ушбу жараёнларни аниқлаш, бошқариш ва назорат қилиш имкониятини беради.
• Кириш элементларини чиқиш элементларига ўзгартириш учун бошқарувчи механизмлар (ресурслар) дан фойдаланиладиган фаолиятнинг исталган тури ёки фаолият турларининг мажмуи жараён деб аталади. Кириш элементлари, бошқарув (процедура) ва (ёки) чиқиш элементлари моддий ва номоддий бўлиши мумкин. Бир жараённинг чиқиш элементлари иккинчиси учун кириш элементлари бўлиши мумкин.
• 5) Бошқарувга тизимий ёндашув – ташкилотнинг яхши натижаларга эришиши ва самарадорлигига кўмаклашадиган белгиланган мақсадлар йўлидаги ўзаро боғлиқ жараёнлар тизимини идентификациялаш, тушуниш ва бошқариш.
• 6) Доимий яхшилаб бориш. Доимий яхшилаб бориш ташкилотнинг ўзгармас мақсади ҳисобланади. Доимий яхшилаш маҳсулотларнинг хоссалари ва тавсифларини ошириш ёки ишлаб чиқариш ва етказиб бериш учун фойдаланиладиган жараёнларнинг самарадорлиги ва унумдорлигини ошириш учун қилинадиган ҳаракатларга тааллуқлидир.